جماعت اسلامی کا مہنگی بجلی کے خلاف 17 جنوری سے مظاہرے شروع کا اعلان

جماعت اسلامی نے مہنگی بجلی کے خلاف 17 جنوری سے مظاہرے شروع کا اعلان کر دیا ہے۔

جماعت اسلامی کے امیر حافظ نعیم کا کہنا تھا کہ 17جنوری کو آئی پی پیز، مہنگی بجلی کے خلاف مظاہروں کے بعد اصل کام شروع ہو گا۔

ان کا کہنا تھا کہ عوام کے حقوق کے لیے جدوجہد کو دینی فریضہ سمجھتے ہیں اور اسی کے ذریعے ملک میں انقلاب لا کر تمام چیزیں اسلامی نظام کے تحت لے کر آئیں گے۔

کے الیکٹرک صارفین کے لیے بجلی کی قیمتوں میں بڑی کمی کا امکان

حافظ نعیم نے کہا کہ ملک میں چہرے اور پارٹیاں بدل کر آنے والی حکومتیں تبدیلی نہیں لا سکتیں، سیاسی پارٹیوں میں شخصی اور خاندانی اجارہ داریاں قائم ہیں۔

ان کا کہنا تھا کہ رائے ونڈ کے محل سے چلنے والی پارٹی کا بھی یہی حال ہے، نواز شریف کے بھائی وزیراعظم اور بیٹی وزیراعلیٰ پھر بھی افسردہ نظر آتے ہیں۔