سکیورٹی فورسز نے خوارج کی موجودگی کی خفیہ اطلاع پر ڈیرہ اسماعیل خان کے علاقے مدی میں انٹیلی جنس بیسڈ آپریشن کیا۔
آپریشن کے دوران، موثر کارروائی میں خوارج کے سرغنہ شفیع اللہ عرف شفیع سمیت پانچ خوارج مارے گئے، ہلاک ہونے والے خوارج کے قبضے سے اسلحہ اور گولہ بارود بھی برآمد ہوا،
آئی ایس پی آر کے مطابق ہلاک خوارج سکیورٹی فورسز کے خلاف دہشت گردی کی کارروائیوں سمیت معصوم شہریوں کی ٹارگٹ کلنگ میں بھی ملوث تھے
علاقے میں مزید خوارج کی ممکنہ موجودگی کے پیش نظر سینیٹائزیشن آپریشن بھی کیا گیا، سیکیورٹی فورسز ملک سے دہشت گردی کی لعنت کو ختم کرنے کے لیے پرعزم ہیں۔