پاکستان ٹیلی کمیونیکیشن لمیٹڈ نے سب میرین کیبل اے اے ای-1 کی خرابی سے متاثرہ انٹرنیٹ سروسز کو مکمل طور پر بحال کر دیا۔
ترجمان کے مطابق انٹرنیٹ سست رفتاری کے مسئلے کو ریکارڈ وقت میں حل کیا گیا اور اب سروسز مکمل طور پر ہموار ہیں۔ پی ٹی سی ایل نے اضافی بینڈوڈتھ شامل کرکے مسئلے کے دوران انٹرنیٹ کے خلل کو کم سے کم کرنے کی کوشش کی۔
پی ٹی سی ایل کے مطابق میٹا سروسز بشمول واٹس ایپ، فیس بک اور انسٹاگرام، اب مکمل طور پر فعال اور صارفین کو ہموار تجربہ فراہم کر رہی ہیں۔ پاکستان ٹیلی کمیونیکیشن اتھارٹی (پی ٹی اے) اور پی ٹی سی ایل کی ٹیموں نے کنیکٹیویٹی کی مکمل بحالی کے لیے بھرپور محنت کی۔
پی ٹی سی ایل نے اپنے صارفین کے صبر اور تعاون پر ان کا شکریہ ادا کیا ہے اور اعلیٰ معیار کی خدمات فراہم کرنے کے عزم کا اظہار کیا ہے۔
By 
