اراکین پارلیمنٹ نے باضابطہ طور پر اپنی تنخواہوں میں اضافے کا مطالبہ کردیا۔
، تنخواہوں کے معاملے پر اپوزیشن اور حکومتی ارکان یک زبان ہو گئے، نجی ٹی وی کے مطابق اراکین پارلیمنٹ قومی اسمبلی کے اسپیکر ایاز صادق سے ملاقات کی اور تنخواہوں میں اضافے کا مطالبہ کیا۔
پارلیمانی ذرائع کے مطابق اراکین نے اسپیکر سے اسپیکرز کانفرنس کی سفارشات پر عملدرآمد کا مطالبہ کر دیا۔ ارکان پارلیمنٹ نے شکوہ کرتے ہوئے کہا کہ ہماری تنخواہیں اور مراعات صوبائی اسمبلیوں کے اراکین سے کم ہیں۔
ذرائع کے مطابق اسپیکرایاز صادق نے قومی اسمبلی سیکرٹریٹ کے شعبہ اکاؤنٹس سے بجٹ کی تفصیلات طلب کی ہیں اور اراکین کو اس معاملے پر وزیراعظم اور وزیر خزانہ سے بات کرنے کی یقین دہانی بھی کرائی ہے۔
By 
