امریکا میں خاتون کو خواب نے لکھ پتی بنا دیا

امریکا میں ایک خاتون کو خواب میں ملا لاٹری کا نمبر لکھ پتی بنا گیا۔

غیرملکی خبررساں ادارے کی رپورٹ کے مطابق امریکی ریاست میری لینڈ کی رہائشی خاتون نے حال ہی میں  قرعہ اندازی میں پچاس ہزار ڈالر (تقریبا 42 لاکھ روپے) جیتے۔

دلچسپ بات یہ ہے کہ خاتون نے انکشاف کیا ہے کہ ٹکٹ خریدنے سے پہلے اسے جیتنے والے نمبر خواب میں نظر آئے۔

پرنس جارج کاؤنٹی سے تعلق رکھنے والی خاتون نے لاٹری حکام کو بتایا کہ وہ دسمبر میں خواب سے بیدار ہوئی جس میں ہندسوں کی ایک لاین تھی جو اس کے ذہن میں گونج رہی تھی۔

یہ بھی پڑھیں : نو منتخب امریکی صدر ڈونلڈ ٹرمپ کا حلف اٹھاتے ہی بڑا حکم جاری کرنے کا منصوبہ

انہوں نے بتایا کہ اپنے خواب پر یقین کرتے ہوئے انہوں نے ایک ٹکٹ خریدا جس کا نمبر 99000 تھا، چھٹیوں کے موسم میں ٹکٹ خریدنے کے بعد انہوں نے ایک پارٹی میں شرکت کی، اس رات کے بعد جب انہوں نے اپنا ٹکٹ چیک کیا تو وہ یہ جان کر حیران رہ گئیں کہ انہوں نے جیک پاٹ جیت لیا۔

رپورٹ کے مطابق ان کا خواب اس وقت سچ ثابت ہوا جب جیتنے والوں کا اعلان کیا گیا، انہوں نے لاٹری کے ذریعے اس نے 50 ہزار ڈالر کی انعامی رقم جیت لی۔

خاتون کے شوہر کا کہنا ہے کہ اہلیہ نے مجھے بتایا تھا لیکن یہ خواب تھا لیکن یہ سچ ثابت ہوا اور شکر ہے اس نے انعامی رقم جیت لی ہے، وہ اب بھی انعامی رقم کے بارے میں سوچ رہے ہیں کہ اسے کس طرح استعمال کیا جائے۔