بیس بال یونائیٹڈ عرب کلاسک: پاکستان نے سری لنکا کو شکست دیکر فائنل میں جگہ بنالی

آسٹریلیا کے بعد کھیل کے ایک اور میدان سے پاکستان کے لیے اچھی خبر آگئی، بیس بال یونائیٹڈ عرب کلاسک میں پاکستان نے جیت کے سلسلے کو برقرار رکھتے ہوئے فائنل کے لیے کوالیفائی کر لیا۔

دبئی میں ہونے والے ایونٹ میں پاکستان نے سیمی فائنل میں سری لنکا کو 0-3 سے شکست دیتے ہوئے فائنل میں جگہ بنا لی۔

ایونٹ میں پاکستان اب تک ناقابل شکست ہے، پاکستان نے بنگلادیش، یواےای، بھارت اور افغانستان کو شکست دی۔

یہ بھی پڑھیں :آئی سی سی چمپئنز ٹرافی معاملہ : پاکستان کا بھارت کو سخت جواب دینے کا فیصلہ

پاکستان نے جمعہ کو بیس بال یونائیٹڈ عرب کلاسک میں بھارت کے خلاف 12-0 کی تاریخی فتح حاصل کی تھی۔

پاکستانی ٹیم نے پورے کھیل میں مکمل کنٹرول برقرار رکھا اور بھارت کو شروع سے آخر تک بیک فٹ پر رکھا، بھارت ہوم رن بنانے میں ناکام رہا، کیونکہ فیصل حیات کی قیادت میں پاکستان کے دفاع اور پچنگ نے اپنے مخالفین کو دباؤ میں رکھے رکھا۔