پاکستان کا کھیلوں کے ہر میدان میں بھارت کو چیلنج کرنے کا فیصلہ

پاکستان نے کھیلوں کے ہر میدان میں بھارت کو چیلنج کرنے کا فیصلہ کر لیا ہے۔

تفصیلات کے مطابق پاکستان کی جانب سے بھارت کی اولمپکس بڈ کی بھی مخالفت کی جائے گی۔ پاکستان نے کھیلوں میں بھارتی رویے پر انٹرنیشنل اولمپکس کمیٹی (آئی او سی) کو خط لکھنے کا فیصلہ کیا ہے ۔ بھارت نے متعدد بار کھیلوں میں سیاست کو ملوث کیا۔

یہ بھی پڑھیں:یونان جزیرے پر رہائش اختیار کریں، پیسے، مکان اور زمین فری حاصل کریں

خیال رہے کہ بھارت 2036 میں اولمپکس کی میزبانی کا خواہاں ہے۔ دوسری جانب آئی سی سی چیمپئنز ٹرافی میں شرکت کیلئے بھارت کے پاکستان نہ آنے کے معاملے پر حکومت پاکستان نے بھارت کو سخت جواب دینے کا فیصلہ کیا ہے۔

ذرائع کے مطابق آئی سی سی نے پی سی بی کو بھارت کے پاکستان نہ آکر کھیلنے سے متعلق آگاہ کردیا، حکومت پاکستان کی جانب سے بھارت کے چیمپئنز ٹرافی میں آنے سے انکار پرسخت فیصلے لینے کا امکان ہے۔

ذرائع کے مطابق حکومت پاکستان کا موقف ہے کہ بھارت نے ہمیشہ کھیل میں سیاست کو شامل کیا، آئی سی سی چیمپئنز ٹرافی پاکستان میں ہی ہو گی، کسی بھی قسم کا ہائبرڈ ماڈل قبول نہیں ہو گا، اگر چیمپئنز ٹرافی ہائبرڈ ماڈل پر گئی تو پاکستان ٹورنامنٹ سے دستبردار بھی ہو سکتا ہے۔

ذرائع کا بتانا ہے کہ اگربھارت چیمپئنز ٹرافی کیلئے نہیں آئے گا توپاکستان آئندہ کبھی بھارت کے ساتھ کوئی میچ نہیں کھیلے گا، آئی سی سی چیمپئنز ٹرافی کے لئے پاکستان نے تمام تیاریاں مکمل کرلیں، اسٹیڈیم بن رہے ہیں۔

یہ بھی پڑھیں:اگر کرکٹ بورڈ ہمیں پاکستان بھیجے گا تو ہمیں وہاں کھیلنے میں کوئی مسئلہ نہیں، روہت شرما 

سکیورٹی اچھی ہے تو بھارت کے پاس کوئی جواز نہیں کہ وہ نہ آئے، ساری ٹیمیں پہلے پاکستان آچکیں اب بھی آنے کو تیار ہیں تو بھارت کیوں نہیں آئے گا۔ذرائع کے مطابق پاکستان کرکٹ بورڈ نے بھارتی کرکٹ بورڈ کیخلاف عالمی عدالت سے رجوع کرنے کا فیصلہ بھی کیا ہے ۔