او جی ڈی سی ایل نے خام تیل کی پیداوار میں اضافے کا اعلان کر دیا

او جی ڈی سی ایل نے خام تیل کے ذخائر کی پیداوار میں اضافے کا اعلان کر دیا۔

او جی ڈی سی ایل کی جانب سے پاکستان اسٹاک ایکسچینج کی انتظامیہ کو دی گئی تفصیلات کے مطابق حیدآباد میں واقع کنر آئل فیلڈ 12 سے خا م تیل کی یومیہ پیداوار 1060 بیرل سے بڑھا کر 1820 بیرل ہوگئی ہے۔

کنر آئل فیلڈ 12 میں جیٹ پمپ کی جگہ الیکٹریکل پمپ سے خا م تیل کی پیداوار کو 760 یومیہ بیرل تک بڑھایا گیا ہے۔ او جی ڈی سی ایل کے خط کے مطابق  کنر آئل فیلد 6 سے خا م تیل کی پیداوار کو دوبارہ آرٹیفیشل لفٹ سسٹم کے ذریعے بحال کردیا گیا ہے۔

عمران خان کو اپنے بیٹوں سے واٹس ایپ کالز کرنے کی اجازت مل گئی

 کنر آئل فیلڈ 6 میں خا م تیل کے کنوئیں کو پانی کی زیادہ مقدار ہونے کی وجہ سے بند کیا گیا تھا۔   بحال ہونے سے خام تیل کی پیداوار 400 بیرل یومیہ ہوگئی ہے۔

حیدرآباد میں واقع دونوں آئل فیلڈز سے خام تیل کی پیداوار میں روزانہ کی بنیاد پر 1160 بیرل کا اضافہ ہو گیا ہے۔