جرسی پر پاکستان کا نام، بھارت کی نام ہٹانے کی درخواست پر آئی سی سی کا موقف آ گیا

چیمپینئز ٹرافی میں استعمال ہونے والی جرسی پر میزبان ملک پاکستان کا نام ہٹانے کی بھارتی درخواست پر آئی سی سی کا موقف آ گیا۔

آئی سی سی ذرائع کا کہنا ہے کہ چیمپیئنز ٹرافی میں شریک تمام ٹیمیں اپنی جرسیوں پر ٹورنامنٹ کے لوگو کے ساتھ میزبان ملک کا نام لکھنے کی پابند ہیں۔

چیمپئینز ٹرافی: قومی ٹیم کے سکواڈ کی تیاری آخری مرحلے میں داخل، کون کھیلے گا اور کون باہر ہوگا؟

انٹرنیشنل کرکٹ کونسل کا کہنا تھا کہ کوئی بھی ٹیم اپنی جرسیوں پر لوگو آویزاں کرنے میں ناکام رہی تو سخت کارروائی کی جائے گی۔

آ ئی سی سی کی جانب سے جاری وضاحت میں کہا گیا تھا بھارتی کرکٹ بورڈ  نے چیمپیئنز ٹرافی کیلئے مبینہ طور پر ٹیم کی جرسی پر میزبان ملک کا نام ‘پاکستان’  چھاپنے پر اعتراض اٹھایا ہے۔