190 ملین پاؤنڈ کیس کا فیصلہ آچکا، مفرور ملک ریاض کی حوالگی کیلئے نیب اقدامات کررہا ہے: عطاتارڑ

190 ملین پاؤنڈ کیس کا فیصلہ آچکا، مفرور ملک ریاض کی حوالگی کیلئے نیب اقدامات کررہا ہے: عطاتارڑ

وفاقی وزیر اطلاعات عطا تارڑ کا کہنا ہے کہ 190 ملین پاؤنڈ کیس کا فیصلہ آچکا ہے جس میں مفروربحریہ ٹاؤن کے سربراہ ملک ریاض کی حوالگی کے لیے نیب اقدامات کررہا ہے۔

اسلام آباد میں میڈیا سے گفتگو کرتے ہوئے وزیر اطلاعات و نشریات عطا تارڑ  نے کہا کہ  190 ملین پاؤنڈ کیس کے فیصلے  میں عمران خان اور ان کی اہلیہ کو سزا سنائی گئی اور ملک ریاض کو مفرور اشتہاری قرار دیا گیا ہے۔

وزیر اطلاعات نے کہا کہ 190 ملین پاؤنڈ کیس میں کرپشن کے ٹھوس شواہد موجود ہیں، یہی وجہ ہے کہ عالمی میڈیا نے اس فیصلے پر کرپشن کی ہیڈ لائنز دیں، اس کیس میں حکومت پاکستان کا ریکور کیا گیا پیسہ غلط استعمال کیا گیا۔

یہ بھی پڑھیں : نیب کاملک ریاض کے اثاثوں کو ضبط کرنے کیلئے قانونی کارروائی کااعلان

ان کاکہنا تھا  کہ مقدمے میں مفرور ملک ریاض کی یو اے ای  سے وطن واپسی کے لیے نیب اقدامات کر رہی ہے، اس کے ساتھ ہی نیب واضح کر چکا ہے کہ دبئی میں ان کے منصوبے میں سرمایہ کاری منی لانڈرنگ کے زمرے میں آئے گی۔

وزیر اطلاعات کا کہنا تھا کہ 190 ملین پاؤنڈ کیس تو ’اوپن اینڈ شٹ‘ کیس ہے، ملک ریاض کیخلاف نیب کے پاس کرپشن اور دھوکا دہی کے کئی مقدمات ہیں، جن کا مفرور ملزمان کو عدالت میں سامنا کرنا چاہیے۔

عطا تارڑ نے مزید کہا کہ  190 پاؤنڈ کیس میں مذہب کارڈ استعمال کرنے کی کوششوں کی بھی مذمت کرتے ہوئے کہا کہ اس میں ملوث تمام ملزمان کرپشن اور رشوت کا جواب دیں اور مذہب کے پیچھے چھپنے کی کوشش نہ کریں۔

واضح رہے کہ قومی احتساب بیورو (نیب) نے بحریہ ٹاؤن کے مالک ملک ریاض کے خلاف مزید قانونی کارروائی کا اعلان کرتے ہوئے ان کے اضافی اثاثے ضبط کرنے کا فیصلہ کیا ہے۔

نیب کے ترجمان کے مطابق ملک ریاض نے کراچی، راولپنڈی اور نیو مری سمیت کئی علاقوں میں بغیر قانونی اجازت کے زمینوں پر قبضہ کیا اور غیر قانونی ہاؤسنگ سوسائٹیز کے ذریعے عوام سے اربوں روپے وصول کیے۔

editor

Related Articles

Leave a Reply

Your email address will not be published. Required fields are marked *