احد رضا میر کا سجل علی سے متعلق چونکا دینے والا اعتراف

پاکستان شوبز انڈسٹری کے معروف اداکار احد رضا میر کی  طویل عرصے  بعد اداکارہ سجل علی  سے متعلق بیان کی ویڈیو سوشل میڈیا پر وائرل ہوگئی۔

فوٹو اینڈ شیئرنگ ایپ انسٹاگرام پر ایک اداکار احد رضا میر کے انٹرویو کا ایک کلپ وائرل ہے جس میں انہیں اپنی سابقہ اہلیہ اور اداکارہ سجل علی کے کام  کو سراہتے ہوئے سنا جاسکتا ہے۔

 

View this post on Instagram

 

A post shared by Quirkisstan (@quirkisstan)

میڈیا رپورٹس کے مطابق  انٹرویو کے دوران احد رضا میر نے مختلف اداکاراؤں کے ساتھ کام کرنے کے تجربے کے بارے میں بات کی، اس دوارن انہوں نے  سجل علی کی اداکاری کی تعریف کرتے ہوئے کہا ’سجل ایک انتہائی باصلاحیت اداکارہ ہیں، جن کے ساتھ کام کرنے کا تجربہ بہترین رہا ہے‘۔

یہ بھی پڑھیں :  شدید سردی : تعلیمی ادارے صبح کتنے بجے کُھلیں گے؟طلبا کیلئے اہم خبر

احد رضا میر نے مزید کہا کہ ان کے علاوہ اداکارہ دنانیر مبین اور اداکارہ رمشا خان کے ساتھ کام کرنے کا تجربہ بہترین رہا ہے یہ سب پاکستان کی باصلاحیت اداکارہ ہیں۔

واضح رہے کہ احد رضا میر اور سجل علی کی جوڑی پاکستانی ڈرامہ انڈسٹری کی کامیاب ترین جوڑیوں میں شمار کی جاتی ہے، دونوں نے ایک ساتھ کئی شاندار پروجیکٹس کیے، سوشل میڈیا پر مداح ان کے بارے میں جاننے کے لیے ہمیشہ بے تاب نظر آتے ہیں ۔

احد رضا میر نے ساتھی اداکارہ سجل علی سے مارچ 2022 میں شادی کی تھی، تاہم ان کی طلاق کی خبریں بھی سوشل میڈیا پرزیربحث رہیں ، طلاق پر بھی احد رضا میر اور سجل علی نے آج تک کوئی وضاحت جاری نہیں کی ۔