By پاکستان تحریک انصاف رہنماوں کی پریس کانفرنس پر اڈیالہ جیل انتظامیہ کا آفیشل موقف سامنے آگیا اوراڈیالہ جیل انتظامیہ نے بانی پی ٹی آئی کو جیل میں دستیاب سہولیات اور کھانے کی تفصیلا ت پیش کر دی ہیں۔
اڈیالہ جیل انتطامیہ کے مطابق بانی پی ٹی آئی کو اڈیالہ جیل میں بی کلاس کی تمام سہولیات فراہم کی جارہی ہیں اور بانی پی ٹی آئی کی خوراک، مطالعہ، ورزش کا خاص خیال رکھا جاتا ہے۔ اڈیالہ جیل انتظامیہ کے مطابق بانی پی ٹی آئی کے سیل میں بجلی کی بلاتعطل فراہمی دی جاتی ہے اور بی کلاس کے تحت بانی پی ٹی آئی کو اپنا کھانا الگ سے پکانے کے لیے قیدی کک فراہم کیا گیا ہے۔ اڈیالہ جیل انتظامیہ کے مطابق پروفیشنل قیدی کک ان کا ناشتہ، دوپہر اور رات کا کھانا ان کی مرضی سے تیار کرتا ہے اوربانی پی ٹی آئی ناشتے میں کافی، چیہ سیڈ، چکندر کا جوس، دہی، چپاتی، دہی، بسکٹ اور کھجوریں استعمال کرتے ہیں۔
مزید پڑھیں: مجوزہ آئینی ترمیم :بلاول بھٹو اورمولانا فضل الرحمٰن کے درمیان رات گئے اہم ملاقات
اڈیالہ جیل انتظامیہ کے مطابق دوپہر کے کھانے میں کڑی پکوڑا، دیسی مرغی، دہی، چپاتی، سلاد، گرین ٹی، مٹن کھاتے ہیں اور بانی پی ٹی آئی رات میں دلیہ، کوکونٹ، کوکونٹ جوس اور انگور وغیرہ کھاتے ہیں۔ اڈیالہ جیل انتظامیہ کے مطابق بانی پی ٹی آئی کا کھانا اسسٹنٹ سپرنٹنڈنٹ کی نگرانی میں تیار کیا جاتا ہے اورجیل میں متین ڈاکٹر بانی پی ٹی آئی کا دن میں تین مرتبہ معائنہ کرتے ہیں۔گزشتہ دو ہفتوں کے میڈیکل ٹیسٹ کے مطابق بانی پی ٹی آئی مکمل طور پر صحت یاب ہیں اور دو روز قبل پمز ہسپتال کے ڈاکٹروں نے بھی بانی پی ٹی آئی کا معائنہ کیا ہے۔اڈیالہ جیل حکام کے مطابق بانی پی ٹی آئی کو روزانہ کی بنیاد پر اخبار فراہم کیا جاتا ہے۔
مزید پڑھیں: مولانافضل الرحمان کی رہائش گاہ ایک بارپھر سے سیاسی ملاقاتوں کا محور بن گئی
بانی پی ٹی آئی روزانہ دو گھنٹے ایکسرسائز کرتے ہیں اوربی کلاس میں بانی پی ٹی آئی کی سیکورٹی کے تمام انتظامات مکمل ہیں۔اڈیالہ جیل حکام نے واضح کیا ہے کہ سوشل میڈیا اور سیاسی جماعتوں کی طرف سے بانی پی ٹی آئی کے حوالے سے پھیلائی جانے والی خبروں میں کوئی صداقت نہیں ہے۔
