By پاکستان میں سونے کی قیمتیں بلند ترین سطح پر پہنچنے کے بعد نیچے آ رہی ہیں ، آج بھی سونے كی قیمت میں بڑی کمی ریکارڈ کی گئی۔
عالمی اور مقامی منڈیوں میں سونے کی قیمتوں میں بڑی کمی ریکارڈ کی گئی ، پاکستان میں آج فی تولہ سونا 1800 روپے سستا ہو کر 2 لاکھ 40 ہزار روپے کی سطح پر آگیا۔
پاکستان جیمز اینڈ جیولر ایسوسی ایشن کے مطابق سونے کی فی تولہ قیمت 1800 روپے کم ہوکر 2 لاکھ 40 ہزار 200 روپے ہوگئی ہے جبکہ ملک بھر میں 10 گرام سونے کا بھاؤ 1543 روپے کم ہوکر 2 لاکھ 5 ہزار 933 روپے ہوگیا ہے۔
عالمی مارکیٹ میں سونا 17 ڈالر کی کمی سے 2 ہزار 338 ڈالر فی اونس ہوگیا، اس کے علاوہ چاندی کی فی تولہ قیمت 2 ہزار 800 روپے پر برقرار ہے۔
