قومی ٹیم کے سابق کپتان محمد یوسف نے سلیکشن کمیٹی کے بعد کوچنگ کی ذمہ داریوں کو بھی خیر باد کہہ کر پی سی بی سے راہیں الگ کرلیں۔
چیمپئنز ٹرافی کے حوالے سے وہاب ریاض کو ایک بار پھر اہم ذمہ داری ملنے کا امکان ہے، محمد یوسف نے اپنا استعفیٰ پی سی بی کو بھیج دیا ہے تاہم پی سی بی کی جانب سے محمدیوسف کا استعفے منظور ہونا باقی ہے۔
نجی ٹی وی کے مطابق پاکستان کرکٹ بورڈ میں ایک بار پھر سابق ٹیسٹ کرکٹر وہاب ریاض کی واپسی متوقع ہے، محمدیوسف انڈر 19 ٹیم کی کوچنگ کے ساتھ نیشنل کرکٹ اکیڈمی میں بھی بیٹنگ کوچ کے طور پر پی سی بی کے ساتھ وابستہ تھے۔
محمد یوسف نے مزید کام جاری رکھنے سے معذرت کرلی ہے۔ وہاب ریاض کو ایک بار پھر پی سی بی میں ذمہ داریاں ملنے کا امکان ہے اور انہیں چیمپئنز ٹرافی و ڈومیسٹک ایونٹس کے معاملات کے حوالے سے اہم ذمہ داری ملنے کا امکان ہے۔
By 
