By عالمی شہرت یافتہ پاکستانی نژاد باکسر عامر خان کی وفاقی دارالحکومت میں موجود باکسنگ اکیڈمی کو ایف سی اہلکاروں سے خالی کروالیا گیا۔
آزاد ڈیجیٹل کے سینئر صحافی نوید صدیقی نے عامر خان باکسنگ اکیڈمی سے رپورٹ کیا ہے کہ عامر خان کی اپیل پر وزیرداخلہ نے ایکشن لیتے ہوئے باکسنگ اکیڈمی کو ایف سی اہلکاروں سے خالی کروا لیا گیا ہے۔ گزشتہ سال 9 مئی واقعات میں ملوث شرپسندوں کو روکنے کیلئے ایف سی اہلکاروں کو وفاقی دارالحکومت میں تعینات کیا گیا تھا اور 300سے زائد ایف سی اہلکار اور افسران ایک سال سے اکیڈمی میں رہائش پذیر تھے۔ویڈیو میں دیکھا جا سکتا ہے کہ باکسنگ رنگ بالکل تباہ حال ہے۔ جبکہ عامر خان کی تصاویر بھی سب پھٹ چکی ہیں۔ اسی طرح دیگر سامان جیسے Punching Bags وغیر بھی خراب ہوچکے ہیں۔ بتایا گیا ہے کہ عامر خان نے لاکھوں ڈالرز کی لاگت سے باکسنگ اکیڈمی میں سامان خرید کرحکومت پاکستان اور نوجوانوں کو تحفہ دیا تھا تاہم حکومت کی نا اہلی کی وجہ سے نوجوان ایک بڑی سہولت سے محروم ہوچکے ہیں۔
عامر خان باکسنگ اکیڈمی۔۔۔ حکومت نے قبضہ چھڑوا دیا pic.twitter.com/TWSzwreqCi
— Azaad Urdu (@azaad_urdu) April 30, 2024
اکیڈمی ایف سی اہلکاروں سے خالی کروانے پر عامر خان نے حکومت، پاک فوج اور وزیر داخلہ کا شکریہ ادا کرتے ہوئے خوشخبری سنائی کہ ایک ماہ بعد ہم اپنی اکیڈمی اور جم دوبارہ کھولیں گے اور باکسنگ کے شوقین نوجوان ایک بار پھر اپنی سرگرمیوں کا آغاز کریں گے۔
Thank you the gym is now back with us , thank you to the pak army and pak gov for helping to fix the issue. The gym will be active in June for boxers to train and compete. #PakArmy #PakBoxing. pic.twitter.com/2Nldlk5mVI
— Amir Khan (@amirkingkhan) April 29, 2024
یاد رہے کہ عامر خان نے 2016 میں پاکستان اسپورٹس کمپلیکس اسلام آباد میں باکسنگ اکیڈمی کا افتتاح کیا تھا جو 2022 تک فعال رہی تھی۔ عامر خان نے باکسنگ اکیڈمی بند ہونے پر مایوسی کا اظہار کرتے ہوئے کہا تھا کہ میری ایک لاکھ ڈالرز کی رقم ضائع ہوگئی ہے۔
