By جنوبی کوریا کی اسمارٹ فون بنانے والی کمپنی سام سنگ نے ٹیکنالونی کی دنیا میں ایک اور نیا اینڈرائیڈفون متعارف کروادیا۔
اسمارٹ موبائل بنانے والی کمپنی سام سنگ نے گلیکسی سیریز کا فون سی 55 متعارف کرادیا، سی 55 موبائل فون کو بعض ممالک میں ایف 55 کے نام سے متعارف کروایا جائے گا۔ سام سنگ گلیکسی سی 55 یا ایف 55 کو کمپنی نے 7-6 انچ اسکرین اور اینڈرائیڈ 14 کے آپریٹنگ سسٹم میں متعارف کرایا ہے۔ فون کو 8 اور 12 جی بی ریم جبکہ 256 میموری کے ایک ہی ماڈیول میں پیش کیا گیا ہے۔ فون میں فنگر پرنٹ سینسر سمیت دیگر سکیورٹی فیچرز بھی د ئیے گئے ہیں جب کہ کمپنی کا دعویٰ ہے کہ اس کی اسکرین و کیمرا ٹیکنالوجی کو بھی اپ گریڈ کردیا گیا ہے۔ فون کو 5 ہزار ایم اے ایچ بیٹری 45 واٹ کے فاسٹ چارجر کے ساتھ متعارف کرایا گیا ہے جب کہ اس کے بیک پر تین اور فرنٹ پر ایک طا قت ورسیلفی کیمرا بھی لگایا گیا ہے۔
سام سنگ گلیکسی سی 55 یا ایف 55 کے بیک پر د ئیے گئے تین میں سے مین کیمرا 50 میگا پکسل کا ہے جب کہ دوسرا 8 اور تیسرا 2 میگا پکسل کا ہے۔ اسی طرح فون کے فرنٹ پر 50 میگا پکسل کا طاقتور کیمرا دیا گیا ہے اور اس فون میں متعدد لینسز اور فیچرز بھی د ئیے گئے ہیں۔ کمپنی نے ابتدائی طور پر فون کو چند ممالک میں پیش کیا ہے اور اسے کہیں سی 55 تو کہیں ایف 55 کے نام سے پیش کیا جا رہا ہے۔ فون کے 4 جی بی ماڈیول کو پاکستانی 88 ہزار روپے جب کہ8 جی بی ریم ماڈیول کو پاکستانی ایک لاکھ 8 ہزار روپے میں فروخت کے لیے پیش کئے جانے کا امکان ہے۔ جب کہ بھارت کی کرنسی میں یہی فون 24,990روپے کا ہے۔ جب کہ پاکستان کی کرنسی کی ویلیو کم ہونے کی وجہ سے یہی فون پاکستانیوں کو بہت زیادہ کاسٹ میں فروخت کیا جائے گا ۔ اس کے مقابلے میں بھارتیوں کو یہ فون 24ہزار 990 روپے میں ملے گا۔
