عید الاضحی کب ہوگی؟ ماہرین فلکیات نے بتادیا

رمضان المبارک کے مقدس مہینے اور عید الفطر جیسے خوبصورت تحفے کے بعد اب دنیا بھر کے مسلمانوں کی نظریں اسلامی مہینے کے آخری ماہ ذی الحجہ کا بے صبری سے انتظار کر رہی ہیں ۔

عرب میڈیا کے مطابق مصر کے فلکیاتی ادارے جیو فیزیکل ریسرچ نے عید الاضحی کے حوالے سے بڑی پیش گوئی کر دی ۔ ادارے نے دعویٰ کیا ہے کہ عید الاضحیٰ 16 جون کو ہونے کا قوی امکان ہوگا۔مصر ی سائنسی تحقیق کے قومی ادارہ برائے فلکیات کے مطابق یکم ذی الحجہ 7 جون بروز جمعے کو ہوگی۔جاری بیان میں کہا گیا کہ کہ ماہ ذی الحج 1445 کا نیا چاند سورج غروب ہونے کے بعد سے مکہ معظمہ کے آسمان پر 11 منٹ اور قاہرہ میں 18 منٹ تک رہے گا۔ مصر کے فلکیاتی کےمطابق اس حساب سے وقوف عرفہ 15 جون اور عید الاضحیٰ 16 جون کو ہوگی تاہم سعودی عرب کی طرف سے عید الاضحی کا چاند نظر آنے کے اعلان کے بعد ہی حتمی رائے قائم کی جا سکے گی۔