آسٹریلوی اخبار نے تاریخ کے 50 عظیم ترین کھلاڑیوں کی فہرست جاری کردی۔
پچاس عظیم ترین پلیئرز کی فہرست میں باسکٹ بال اسٹار مائیکل جارڈن کا پہلا نمبر، یوسین بولٹ دوسرے اور سرینا ولیمز تیسرے نمبر پر براجمان ہیں ۔ فہرست سڈنی مارننگ ہیرلڈ کے سپورٹس صحافیوں کی آراء پر بنائی گئی ۔
پاکستان کے سکوائش لیجنڈ جہانگیر خان دنیا کے 50 عظیم ایتھلیٹس کی فہرست میں شامل ہیں۔ آسٹریلوی صحافیوں کی جانب سے مرتب کردہ فہرست میں ڈان بریڈمین کا چوتھا ، باکسر محمد علی کا 5واں نمبر ہے ۔
پاکستانی لیجنڈجہانگیر خان کا 50 ایتھلیٹس کی فہرست میں 25 واں نمبر ہے ۔ آسٹریلوی اخبار کے مطا بق جہانگیر خان اپنے دور کے ناقابل تسخیر کھلاڑی تھے۔جہانگیر خان مسلسل 10 برٹش اوپن اور 6 ورلڈ ٹائٹل اپنے نام کر چکے ۔
اس کے علاوہ وہ 5سال تک 555 میچوں میں ناقابل شکست بھی رہے۔ فہرست میں شامل بھارت کے واحد کھلاڑی سچن ٹنڈولکر کا 37 واں نمبر ہے۔ لسٹ میں لیونل میسی، راجر فیڈرر ، ٹائیگر ووڈز، سیمون بائیلز اور مائیکل فیلپس بھی شامل ہیں۔
By 
