ملک میں سیمنٹ کی مجموعی کھپت میں جاری مالی سال کے پہلے 6 ماہ میں سالانہ بنیادوں پر4 فیصد کی کمی ریکارڈ کی گئی ہے۔ گزشتہ ہفتے ملک کے مختلف شہروں میں سیمنٹ کی قیمت میں کمی بھی ریکارڈ کی گئی تھی۔
آل پاکستان سیمنٹ مینوفیکچررزایسوسی ایشن اورانڈسٹری کی جانب سے جاری اعداد و شمارکے مطابق رواں مالی سال کے پہلے 6 ماہ کے دوران سیمنٹ کی مجمو عی کھپت کا حجم 22933000 ٹن ریکارڈ کیا گیا جو گزشتہ مالی سال کی اسی مدت کے مقابلہ میں 4 فیصد کم ہے۔
گزشتہ مالی سال کی اسی مدت میں سیمنٹ کی مجمو عی کھپت کا حجم 23881000 ٹن ریکارڈ کیا گیا تھا۔ دسمبر2024 میں سیمنٹ کی مجموعی کھپت کا حجم 4154000 ٹن ریکارڈ کیا گیا ہے جودسمبر2023 کے مقابلہ میں دو فیصد زیادہ ہے۔
واضح رہے کہ نومبرکے مقابلہ میں دسمبرمیں سیمنٹ کی کھپت میں ماہانہ بنیادوں پرمعمولی اضافہ ہوا، نومبرمیں ملک میں 4146000 ٹن سیمنٹ کی کھپت ریکارڈ کی گئی تھی۔
By 
