پاکستان کی شاہانہ شادیاں دیکھ کر لگتا ہے کہ یہ امریکہ، جاپان کو قرض دیتا ہے: خالد انعم

پاکستان کے معروف اداکار خالد انعم نے ملک میں ہونے والی پرتعیش شادیوں اور عوام کے طرزِ زندگی پر تنقید کرتے ہوئے اپنی رائے کا اظہار کیا ہے۔

خالد انعم نے کہا کہ پاکستان کی معیشت کی بگڑتی حالت کے باوجود لوگوں کا طرزِزندگی دیکھ کر حیرانی ہوتی ہے۔ انہوں نے کہا کہ شادیوں میں بے تحاشہ پیسہ خرچ کرنا اور غیر ضروری دکھاوا عام ہوگیا ہے، جیسے کہ یہ ملک دنیا کے امیر ترین ممالک امریکا، جرمنی اور جاپان کو قرض فراہم کرتا ہو۔

یہ بھی پڑھیں: عام موٹر سائیکل کو الیکٹرک بائیک میں تبدیل کرنا اب ممکن، جانیے کیسے

اداکار کا مزید کہنا تھا کہ پاکستان میں لوگ اپنی حیثیت سے کئی گنا زیادہ خرچ کرنے کو معمول بنا چکے ہیں جو معاشرتی اور معاشی مسائل کو بڑھا رہا ہے۔