سکیورٹی فورسز نے شمالی وزیرستان میں آپریشن کرتے ہوئے 4 خوارج کو ہلاک کر دیا۔
پاک فوج کے شعبہ تعلقات عامہ( آئی ایس پی آر )کے مطابق شمالی وزیرستان کے علاقے سپین وام میں ایک انٹیلیجنس بیسڈ آپریشن کیا گیا۔ سپن وام میں ہونے والی کارروائی میں سکیورٹی فورسز نے دہشت گردوں کے ٹھکانے کو نشانہ بنایا۔
آئی ایس پی آر کے مطابق سکیورٹی فورسز اور دہشت گردوں میں شدید فائرنگ کا تبادلہ ہوا، 2 خارجی دہشت گرد جہنم واصل کئے گئے، ایک اورکارروائی میں خوارج کی پاک افغان بارڈرسے دراندازی کی کوشش ناکام بناد ی گئی۔
خوارج شمالی وزیرستان کے سپن وام کے علاقے سے دراندازی کی کوشش کررہے تھے۔ فائرنگ کےشدید تبادلے میں 2خوارج ہلاک اور 2زخمی ہو گئے۔ علاقے میں ممکنہ خوارج کےخاتمے کےلیے کلیئرنس آپریشن بھی کیاگیا۔
ترجما ن پاک فوج کے مطابق سکیورٹی فورسزدہشت گردی کےخاتمے اورسرحدوں کومحفوظ بنانے کےلیے پُرعزم ہیں۔
By 
