پاکستانی ٹیم آسٹریلیا کیخلاف سب سے زیادہ ون ڈے میچز جیتنے والی ایشیائی ٹیم بن گئی

پاکستانی کرکٹ ٹیم نے آسٹریلیا کے خلاف سب سے زیادہ ون ڈے میچز جیتنے والی ایشیائی ٹیم بننے کا اعزاز حاصل کر لیا۔

پاکستان نے آسٹریلیا کے خلاف اپنی 41ویں فتح کے ساتھ یہ ریکارڈ قائم کیا جبکہ بھارت نے 40 میچز جیتے تھے۔ پاکستان کی یہ کامیابی حالیہ ون ڈے سیریز کے دوسرے میچ میں آئی، جس کے بعد پاکستانی ٹیم نے 110 میچز میں 41 فتوحات حاصل کیں۔

مزید پڑھیں: بھارت کے پاکستان نہ آنے پر چیمپیئنز ٹرافی کس ماڈل پر ہو گی؟

بھارت نے 99 میچز میں 40 فتوحات کے ساتھ دوسری پوزیشن پر ہے۔ پاکستان کی ان 41 فتوحات میں سے 18 فتوحات دو طرفہ سیریز کے دوران حاصل کی گئیں، جبکہ باقی کامیابیاں آئی سی سی کے منظور شدہ مقابلوں میں آئی ہیں۔ ویسٹ انڈیز اس فہرست میں سب سے کامیاب ٹیم ہے، جنہوں نے آسٹریلیا کی سرزمین پر 149 میچز میں سے 75 میچز جیتے ہیں۔

انگلینڈ 124 میچز میں 53 فتوحات کے ساتھ دوسرے نمبر پر ہے، جب کہ نیوزی لینڈ 112 میچز میں 38 فتوحات کے ساتھ پانچویں نمبر پر موجود ہے۔ پاکستانی ٹیم کے اس اہم اعزاز نے نہ صرف ان کی عالمی سطح پر کرکٹ کی طاقت کو اجاگر کیا ہے، بلکہ یہ ان کے کھلاڑیوں کے عزم اور محنت کا بھی مظہر ہے۔