ڈونلڈ ٹرمپ ایک بار پھر امریکی صدر منتخب ہوگئے

ڈونلڈ ٹرمپ کو 47واں امریکی صدر منتخب کر لیا گیا۔

امریکی نیوز چینل فوکس نیوز کے مطابق امریکی صدارتی انتخاب میں ریپبلکنز امیدوار ڈونلڈ ٹرمپ نے 277 الیکٹورل ووٹ حاصل کرلیے ہیں اور امریکا کے 47ویں صدر منتخب ہوگئے جبکہ ان کی مدمقابل ڈیموکریٹ امیدوار کملا ہیرس اب تک 238 الیکٹورل ووٹ حاصل کرسکی ہیں۔ میڈیا کے مطابق ڈونلڈ ٹرمپ اب سے کچھ دیر بعد پام بیچ میں اپنے حامیوں سے خطاب کریں گے۔ ڈونلڈ ٹرمپ کے حامیوں نے ملک بھر میں جشن منانا شروع کر دیا ہے۔

مزید پڑھیں: ڈونلڈ ٹرمپ اور کملا ہیرس میں سے کون پاکستان کے لیے بہتر؟

یاد رہے کہ امریکی سینیٹ میں ری پبلکن پارٹی کو 51 نشستوں کے ساتھ برتری حاصل ہو گئی ہے جبکہ ڈیموکریٹس کے پاس 42 نشستیں ہیں۔ ایوان نمائندگان میں بھی ری پبلکن نے 182 نشستوں پر کامیابی حاصل کی ہے جبکہ ڈیموکریٹس 150 نشستوں تک محدود ہیں۔