By زمبابوے کی کرکٹ ٹیم نے نیروبی میں افریقہ سب ریجنل ورلڈ کپ کوالیفائر کے دوران گیمبیا کو 290 رنز سے شکست دیکر ٹی 20 میں بین الاقوامی ریکارڈز کی سیریز کو توڑ دیا۔
تفصیلات کے مطابق زمبابوے نے 4 کھلاڑی آؤٹ ہونے پر 344رنز کا پہاڑ جیسا ہدف کھڑا کر دیا ۔ جو کہ ایک ٹی 20 انٹرنیشنل میں اب تک کا سب سے بڑا اسکور ہے، جس نے نیپال کے 2023 میں منگولیا کے خلاف 314/3 کے پچھلے ریکارڈ کو پیچھے چھوڑ دیا۔ اس شاندار اننگز میں ریکارڈ توڑ 27 چھکے شامل تھے، جس نے نیپال کے منگولیا کے خلاف حاصل کیے گئے 26 چھکوں کے سابقہ ریکارڈ کو زمبابوے نے توڑ دیا۔ چھکوں کے ساتھ زمبابوے نے ایک ٹی ٹوئنٹی اننگز میں سب سے زیادہ چوکے لگانے کا ریکارڈ بھی برابر کیا۔
30 چوکے لگا کر یہ ریکارڈ اس سے قبل 2007 میں کینیا کے خلاف ایک میچ میں سری لنکا نے قائم کیا تھا۔ ٹیم نے باؤنڈریز سے 282 رنز بنائے، پچھلے سب سے زیادہ 216 رنز کو پیچھے چھوڑ دیا۔ ٹی ٹوئنٹی میں باؤنڈری سے سب سے زیادہ رنز بنانے کا پچھلا ریکارڈ 212 تھا، جو نیپال نے ایشین گیمز کے میچ میں منگولیا کے خلاف بنایا تھا۔ زمبابوے کا اننگز کا رن ریٹ 17.20 تھا جو کہ ایک مکمل ٹی 20 اننگز میں اب تک کا سب سے زیادہ ہے، جس نے منگولیا کے خلاف نیپال کے 15.7 رنز فی اوور کے پچھلے ریکارڈ کو بھی پیچھے چھوڑ دیا۔
زمبابوے کے آل راؤنڈر سکندر رضا نے ریکارڈ ساز کارکردگی میں اہم کردار ادا کیا، انہوں نے 43 گیندوں پر ناقابل شکست 133 رنز بنائے۔ سکندر رضا کی اننگز میں 33 گیندوں کی سنچری شامل تھی، جس نے اسے نمیبیا کے جان نکول لوفٹی ایٹن کے ساتھ دوسری تیز ترین ٹی ٹوئنٹی سنچری کے ساتھ جوڑ دیا، جنہوں نے 33 گیندوں میں یہ سنگ میل عبور کیا۔
ٹی ٹوئنٹی کی تیز ترین سنچری 27 گیندوں پر باقی ہے، جو ایسٹونیا کے ساحل چوہان نے قبرص کے خلاف بنائی تھی۔ جواب میں گیمبیا 54 رنز پر ڈھیر ہو گئی اور زمبابوے نے 290 رنز کی ریکارڈ جیت اپنے نام کی ۔ 290 رنز کے فتح کے مارجن نے ٹی 20 انٹرنیشنل میں رنز کے لحاظ سے سب سے بڑی جیت کا نیا ریکارڈ بھی قائم کیا، نیپال کی منگولیا کے خلاف 273 رنز کی جیت کو بھی پیچھے چھوڑ دیا۔
