By پاکستان سپر لیگ(پی ایس ایل) کی فرنچائز کوئٹہ گلیڈی ایٹرز نے10ویں ایڈیشن کے لئے سعود شکیل کو کپتان بنانے کا فیصلہ کرلیا ہے۔
تفصیلات کے مطابق سما نیوز نے اپنی رپورٹ میں بتایا ہے کہ کوئٹہ گلیڈی ایٹرزکی مینجمنٹ نے پی ایس ایل 9 میں کپتانی کے فرائض سرانجام دینے والے غیر ملکی کھلاڑی رائلی روسوو کو تبدیل کرنے اورسعود شکیل پر اعتماد کرنے کا فیصلہ کر لیا ہے۔
اس حوالے سے ٹیم مینجمنٹ نے سعود شکیل سے کپتانی سے متعلق دو سے تین ملاقاتیں بھی کی ہیں ۔ اس سے قبل سعود شکیل سے چند معاملات کی وجہ سے کپتانی کے معاملے میں تاخیر ہوئی تاہم اب معاملات حل ہوگئے ہیں اور ان کی کپتانی کا اعلان جلد ہونے کی توقع ہے ۔
یہ بھی پڑھیں:پاکستان کے ایک اور قومی ہیرو نے گولڈ میڈل حاصل کرلیا
یاد رہے کہ پی ایس ایل 9 میں سرفراز احمد کو ہٹا کر رائلی روسوو کو کوئٹہ گلیڈی ایٹرز کا کپتان بنایا گیا تھا ۔
