By پاکستان میں حالیہ مہنگائی کی لہر نے شہریوں کی قوت خرید کو شدید متاثر کیاہے۔ جس کی وجہ سے موبائل فونز کمپنیاں بھی متاثر ہوئی ہیں۔ اسی وجہ سے موبائل کمپنیوں کی جانب سے کم قیمت موبائل فونز متعارف کروا ئے جارہے ہیں جن کے فیچرز بھی بہترین ہیں ۔
آج ہم آپکے لیے ایسے موبائل فونز کی فہرست لارہے ہیں جو 30ہزار روپے سے کم قیمت میں دستیاب ہیں۔
Infinix Hot 40i
Infinix Hot 40i کی قیمت 28 ہزار 499 روپے مقرر کی گئی ہےلیکن اس میں دیئے گئے فیچرز کسی مہنگے موبائل سے کم نہیں ۔ کمپنی کی جانب سے موبائل فون میں 6.56 انچ کا HD ڈسپلے دیا ہے جبکہ یہ 2 ویرینٹس میں میسر ہے ۔آپ اسے 4 جی بی ریم اور 128 میموری یا 8 جی بی ریم اور 256 جی بی میموری میں خرید سکتے ہیں ۔اس میں 50 میگا پگسلز بیک کیمرہ اور 32 میگا پگسلز فرنٹ کیمرہ دیا گیاہے ، موبائل میں طویل ساتھ نبھانے والی پانچ ہزار ایم اے ایچ کی بیٹری دی گئی ہے ۔
ZTE Blade V50
ZTE Blade 50کی قیمت 27 ہزار 999 روپےرکھی گئی۔ اس موبائل فون میں 6.6 انچ کا ڈسپلے ، 4/8 جی بی ریم اور 128/256 جی بی میموری کی سہولت دی گئی ہےاس کے علاوہ50 میگا پگسلز بیک کیمرہ اور 8 میگا پگسلز کا فرنٹ کیمرہ بھی نصب کیا گیا ہے۔ اس کی بیٹری بھی 5000 ایم اے ایچ ہے۔
Redmi 13C
Redmi کی جانب سے اس موبائل فون کی قیمت بھی 27 ہزار 999 روپے متعارف کروائی گئی ہے ۔ اس میںاسمارٹ فون میں 6.71 انچ کا بڑا HD ڈسپلے ، 4/6 جی بی ریم اور 64/128 جی بی میموری فراہم کی گئی ہے۔اس کے علاوہ بیک کیمرہ 50 میگاپگسلز اور فرنٹ کیمرہ 8 میگا پگسلز دیا گیاہے ۔ اس کی بیٹری 5120 ایم اے ایچ کی دی گئی ہے ۔
Realme C51
Realmeکا C51بھی 30 ہزار روپے کی رینج میں موبائل خریدنے کے خواہشمندوں کیلئے یہ بھی ایک بہترین آپشن ہے جس میں 6.74 کا بڑا ڈسپلے دیا گیاہے ، اس کی ریم 4 جی بی جبکہ میموری میں 64 اور 128 جی بی کی سہولت میسر ہے ۔جبکہ بیک کیمرہ 50 اور فرنٹ کیمرہ 5 میگا پگسلز ہے ، جو کہ سیلفی کے شوقین افراد کے ذوق کو سامنے رکھتے ہوئے دیا گیاہے ۔ اس میں 5000 ایم اے ایچ کی بیٹری نصب کی گئی ہے ۔
Honor X6a
Honorکے موبائل فونز مارکیٹ میں اپنی پہنچان آپ ہیں اور کسی تعارف کے محتاج نہیں۔اس موبائل فون میں 6.56 انچ کا ڈسپلے ، ریم 4 جی بی اور میموری 128 جی بی دی گئی ہے جو کہ بے شمار تصاویر اور ویڈیوز محفوظ کرنے کی سہولت فراہم کرتی ہے ۔جبکہ بیک کیمرہ 50 میگا پگسلز اور فرنٹ کیمرہ 5 میگاپگسلز کا دیا گیاہے ۔اس کے علوہ بیٹر ی 5200 ایم اے ایچ کی نصب کی گئی ہے ۔
