زرمبادلہ کے سرکاری ذخائر میں 25 کروڑ 20 لاکھ ڈالر کی کمی

زرمبادلہ کے سرکاری ذخائر میں 25 کروڑ 20 لاکھ ڈالر کی کمی ہو گئی۔

اسٹیٹ بینک نے زرمبادلہ کے ذخائر کے ہفتہ وار اعداد و شمار میں کہا کہ  7 فروری کو ختم ہونے والے ہفتے کے دوران زر مبادلہ کے سرکاری ذخائر میں  25 کروڑ 20 لاکھ ڈالر کی کمی ریکارڈ دیکھنے میں آئی۔

اس کمی کے بعد زر مبادلہ کے سرکاری ذخائر کی مالیت 11 ارب 16 کروڑ 66 لاکھ ڈالر کی سطح پر پہنچ گئی۔

ڈالر کے مقابلے میں روپے کی قدر میں کمی

اسٹیٹ  بینک کے اعداد و شمار کے مطابق کمرشل بینکوں کے پاس 4 ارب 69 کروڑ 60 لاکھ ڈالر کے ذخائر موجود ہیں جبکہ 7 فروری کو زر مبادلہ کے مجموعی ذخائر کی مالیت 15 ارب 86 کروڑ 26 لاکھ ڈالر ریکارڈ کی گئی۔