پاکستان کو مستحکم کرنے کیلئے عمران خان کو رہا کرنا ہوگا، صاحبزادہ حامد رضا

سربراہ سنی اتحاد کونسل صاحبزادہ حامد رضا نے کہا ہے کہ پاکستان کو مستحکم کرنے کیلئے عمران خان کی رہائی ضروری ہے۔

تفصیلات کے مطابق سوموار کو پارلیمنٹ ہائوس کے باہر میڈیا سے گفتگو کرتے ہوئے حامد رضا نے کہا کہ عمران خان نہ صرف پاکستان بلکہ بین الاقوامی دنیا کا لیڈر بن چکا ہے۔ انہوں نے کہا کہ خیبرپختونخواکے اندر ہونیوالے جلسے نے حکمرانوں کو بےنقاب کر دیا ہے جو فارم 47 کی پیداوار ہیں۔ اگر پاکستان کو سیاسی اور معاشی طور پر مستحکم کرنا ہے تو عمران خان کو رہا کرنا ہوگا۔ پاکستان کے اندر آئین اورقانون کا کوئی نام و نشان نہیں ہے۔

مزید پڑھیں: پاکستان کو مستحکم کرنے کیلئے عمران خان کو رہا کرنا ہوگا، صاحبزادہ حامد رضا

دوسری جانب الیکشن کمیشن کے باہر میڈیا سے گفتگو کرتے ہوئے بیرسٹر گوہر نے کہا کہ موجودہ چیف الیکشن کمشنر اور 2 ممبران اپنی آئینی مدت پوری کر چکے ہیں، پی ٹی آئی کے ڈیٹا پر رجسٹرڈ ووٹرز کی تعداد 8 لاکھ 50 ہزار سے زائد ہے، آج الیکشن کمیشن میں ہمارا کیس تھا۔

چیئرمین پی ٹی آئی کا کہنا ہے کہ 3 مارچ کو پارٹی الیکشن کرایا، ہمارا الیکشن صاف اور شفاف تھا، ہمارے بعد جنہوں نے پارٹی الیکشن کرائے انہیں کلیئرنس سرٹیفیکیٹ ملا، ہمیں ابھی تک کلیئرنس سرٹیفیکیٹ نہیں ملا۔ بیرسٹر گوہر نے کہا کہ ہم نے آج اپنے جوابات جمع کرائے، ہمارا ریکارڈ ایف آئی اے کے پاس ہے، اب کیس کی سماعت 4 مارچ تک ملتوی کر دی گئی ہے۔

ان کا کہنا تھا کہ تمام سیاسی جماعتوں میں سب سے شفاف انتخابات ہم نے کرائے تھے، الیکشن کمیشن کے 7 سوالوں کے جواب ہم پہلے ہی جمع کرا چکے تھے، آج 5 درخواست گزاروں کی درخواستوں پر تحریری جواب جمع کرا دیا۔ چیئرمین پی ٹی آئی نے مزید کہا کہ ہمارے مرکزی دفتر پر ریڈ کے دوران ایف آئی اے نے تمام دستاویزات اور ریکارڈ قبضے میں لے لیا تھا، الیکشن کمیشن سے استدعا کی ہے کہ دلائل سے پہلے ہمارا ریکارڈ بازیاب کروایا جائے۔

ان کا یہ بھی کہنا تھا کہ 5 میں سے 4 درخواست گزاروں نے انٹرا پارٹی انتخابات میں کسی طور پر حصہ نہیں لیا تھا، پانچواں درخواست گزار جو اکبر ایس بابر کا ساتھی ہے اسے پارٹی سے بہت عرصہ قبل نکالا جا چکا۔