محکمہ موسمیات نے رمضان المبارک کے چاند کے حوالے سے اہم پیشگوئی کردی

محکمہ موسمیات نے رمضان المبارک کے چاند کے حوالے سے  اہم پیش گوئی کرتے کہا ہے کہ  ملک بھر میں پہلا روزہ 2 مارچ کو ہوگا۔

اس حوالے سے ذرائع محکمہ موسمیات کا کہنا ہے کہ پاکستان میں ماہ رمضان کا چاند28 فروری کو نظر آنے کا امکان نہیں ہے تاہم ملک بھر میں پہلاروزہ 2 مارچ کو ہوگا۔

ذرائع محکمہ موسمیات کے مطابق چاند کی پیدائش28فروری کو5بج کر45منٹ پر ہوگی، غروب آفتاب کے وقت چاند کی عمر13گھنٹے 12منٹ ہوگی۔

ذرائع محکمہ موسمیات کا کہنا ہے کہ اسلامی ماہ کا چاند دکھائی دینے کیلئے اس کی عمر 19گھنٹے ہونا ضروری ہے، 29 شعبان کو مطلع کہیں صاف اور کہیں بادل چھائے رہنے کا امکان ہے۔

یاد رہے کہ ملک بھر میں ماہ مقدس رمضان المبارک اور عیدالفظر کے چاند کا حتمی اعلان مرکزی رویت ہلال کمیٹی کرے گی۔

واضح رہے کہ سعودی عرب میں پہلا روزہ یکم مارچ کو ہونے کا امکان ہے، سعودی اداروں کا کہنا ہے کہ رمضان المبارک کا چاند 28 فروری کو نظر آئے گا۔