دورانِ سروس وفات پانے والے سرکاری ملازمین کی ملازمت پالیسی میں تبدیلی

وزیر اعظم شہباز شریف نے دورانِ سروس وفات پانے والے سرکاری ملازمین کی ملازمت پالیسی میں تبدیلی کی منظوری دے دی۔

وزیراعظم معاونت پیکج کے تحت اب وفات پانے والے سرکاری ملازم کے کسی فیملی ممبر کو ملازمت نہیں دی جائے گی۔ ذرائع کا کہنا ہے کہ یہ تبدیلی سپریم کورٹ کے فیصلے کے تحت کی گئی ہے، جس کے بعد اسٹیبلشمنٹ ڈویژن نے تمام وزارتوں اور ڈویژنوں کو نئی پالیسی پر عمل درآمد کے احکامات جاری کر دیے ہیں۔

مزید پڑھیں: سعودی عرب میں تمام سرکاری و نجی اداروں میں عام تعطیل کا اعلان

تاہم دورانِ سروس وفات کی صورت میں سول سرونٹس کو وزیراعظم معاونت پیکج کے تحت دیگر تمام مراعات اور سہولتیں بدستور حاصل رہیں گی۔ نئی پالیسی کا اطلاق قانون نافذ کرنے والے اداروں کے شہداء اور دہشت گردی میں شہید ہونے والے سول سرونٹس کے بچوں پر نہیں ہوگا۔

مزید یہ کہ فیصلے سے قبل بھرتی ہونے والے سول سرونٹس کے ورثاء پر اس کا اطلاق نہیں ہوگا۔