کرک میں پولیس چوکی پر دہشتگردوں کا حملہ ، 3 پولیس اہلکار شہید ،6 زخمی

خیبرپختونخوا کے ضلع کرک میں پولیس چوکی پر دہشتگردوں نے فائرنگ کر دی جس کے نتیجے میں 3 اہلکار شہید ہوگئے۔

دہشتگردوں نے حملہ بہادر خیل پولیس چوکی پر حملہ کیا، 6 پولیس اہلکار زخمی بھی ہوئے، شہید ہونے والوں میں عدنان اور نقیب شامل ہیں۔

پولیس حکام کے مطابق شرپسندوں نے بھاری ہتھیاروں سے حملہ کیا، پولیس کی جوابی فائرنگ سے حملہ آور فرار ہوگئے، ڈی پی او کے مطابق 4 زخمی پولیس اہلکا ڈسٹرکٹ ہیڈ کوارٹرز ہسپتال منتقل کر دیئے گئے جبکہ 2 زخمی پولیس اہلکاروں کو پشاور ریفر کیا گیا۔

یہ بھی پڑھیں : امریکی صدر ٹرمپ کا غزہ پر قبضہ کا بیان، اقوام متحدہ نے خبردار کردیا

ڈی پی او کا کہنا ہے کہ پولیس نے دہشتگردوں کو پکڑنے کیلئے علاقے میں سرچ آپریشن شروع کر دیا ہے۔

وفاقی وزیرداخلہ محسن نقوی کی مذمت

وفاقی وزیرداخلہ محسن نقوی نے کرک میں پولیس چوکی بہادر خیل پر فتنہ الخوارج کے دہشتگردوں کی فائرنگ کی مذمت کرتے ہوئے کہا ہے کہ خیبرپختونخوا پولیس دہشت گردی کے خلاف جنگ میں فرنٹ لائن پر موجود ہے، پولیس کے بہادر سپوتوں نے ہمیشہ اپنے خون سے وطن عزیز کے امن کی آبیاری کی ۔

وزیر داخلہ نے فائرنگ سے شہید ہونے والے  پولیس اہلکاروں کو خراج عقیدت پیش اور ان کے لواحقین سے دلی ہمدردی و تعزیت کا اظہار کیا جبکہ زخمی پولیس اہلکاروں کی جلد صحت یابی کےلئے دعا کی۔

ان کا کہنا تھا کہ فتنہ الخوارج کے دہشتگردوں نے رات کی تاریکی میں پولیس چوکی پر بزدلانہ حملہ کیا،خیبرپختونخوا پولیس کے شہید ہونے والے اہلکاروں کی قربانی کو سلام پیش کرتے اور قدر کی نگاہ سے دیکھتے ہیں۔