حکومت پی ٹی آئی مذاکرات میں مینڈیٹ واپس کرنے کا مطالبہ نہیں رکھا، شیر افضل مروت

رہنما تحریک انصاف شیر افضل مروت نے انکشاف کیا ہے کہ پی ٹی آئی اور حکومت کے مابین مذاکراتی عمل میں پی ٹی آئی کی جانب سے مذاکرات میں مینڈیٹ واپس کرنےکا مطالبہ نہیں رکھا گیا ہے۔

تفصیلات کے مطابق سینئر رہنما پاکستان تحریکِ انصاف شیر افضل مروت نے نجی ٹی وی پروگرام میں گفتگو کرتے ہوئے انکشاف کیا ہے کہ حکومت اور پی ٹی آئی کے مابین جاری مذاکراتی عمل میں تحریکِ انصاف کی جانب سے مینڈیٹ واپس کرنے کا مطالبہ نہیں رکھا گیا ہے۔

انہوں نے کہا کہ بانی پی ٹی آئی نےآج لچک کامظاہرہ کیااورخیرسگالی کاپیغام دیا۔ بانی پی ٹی آئی چاہتےہیں معیشت مضبوط ہواورملک میں استحکام آئے۔ بانی پی ٹی آئی مجھےرمضان المبارک میں باہرآتےہوئےنظرآرہےہیں۔ شیر افضل مروت کا کہنا تھا کہ ملاقات کی اجازت دینا حکومت کیلئے کوئی مسئلہ نہیں تھا، جیل سپرنٹنڈنٹ نے بانی پی ٹی آئی کےخلاف ناروا رویہ اپنایا ہوا ہے۔

انہوں نے کہا کہ سپرنٹنڈنٹ کے خلاف توہین عدالت کی درخواست دائر کر رہا ہوں، ہمارے کارکنان جیل میں بند ہیں، ایک سوال کے جواب سے ان کا کہنا تھا کہ مذاکرات میں مینڈیٹ واپس کرنےکامطالبہ نہیں رکھا نہ ہی یہ حکومت دےسکتی ہے۔ رہنما تحریک انصاف کا کہنا تھا کہ علیمہ خان بانی پی ٹی آئی کی بہن ہیں، میں ان کےبارے میں کیا کہہ سکتا ہوں، بانی پی ٹی آئی نے کہا کہ مجھے آفر ہوئی ہے۔

شیر افضل مروت کا مزید کہنا تھا کہ اداروں کےخلاف بیان بازی نہ کرنےکی بانی کی کوئی ہدایت نہیں آئی، بیرسٹرگوہر جینٹلمین ہیں، عادل راجہ کے بارے میں عمران خان نے کہا کہ میں اس کو نہیں جانتا، عمران خان لچک دیکھا رہے ہیں۔