نیو گوادر انٹرنیشنل ائیر پورٹ کو یکم جنوری سے آپریشنل کیے جانے کا امکان ہے۔
نیو گوادر انٹرنیشنل ائیر پورٹ پاکستان کے صوبہ بلوچستان کے شہر گوادر میں واقع ایک اہم ایئرپورٹ ہے، جو چین پاکستان اقتصادی راہداری کے تحت ایک بڑی ترقیاتی منصوبے کا حصہ ہے۔ یہ ایئرپورٹ گوادر کے بین الاقوامی ہوابازی کے مرکز کے طور پر کام کرے گا اور اس کا مقصد گوادر کی اقتصادی ترقی کو فروغ دینا ہے۔
یہ ایئرپورٹ نہ صرف پاکستان کے لئے بلکہ چین اور دیگر عالمی تجارتی شراکت داروں کے لئے اہمیت رکھتا ہے کیونکہ یہ گوادر کی بندرگاہ کو بہتر طریقے سے منسلک کرے گا۔ گوادر کی بندرگاہ کی ترقی کے ساتھ ساتھ اس ایئرپورٹ کا منصوبہ پاکستان کے جنوب مغربی علاقے کی اقتصادی ترقی میں اہم کردار ادا کرے گا۔
ائیر پورٹ بین الاقوامی پروازوں کو سنبھالنے کی صلاحیت رکھتاہے۔اس میں جدید ترین ٹرمینلز، رن وے، اور دیگر ضروری سہولتیں میسر ہوں گی،اس ائیر پورٹ کی تعمیر کا آغاز 2019 میں ہوا تھا جو اب پایہ تکمیل کو پہنچ چکا ہے۔
گوادر انٹرنیشنل ایئرپورٹ کے رن وے عالمی معیار کے مطابق بنائے گئے ہیں۔ ایئرپورٹ پر ایئر بس 380 سمیت دیگر بڑے طیارے لینڈ کرسکتے ہیں۔
By 
