ڈیبٹ کارڈ استعمال کرنے والے شہریوں کے لیے اہم خبر

ڈیبٹ کارڈ کا براہ راست تعلق بینک اکاؤنٹ سے  ہے اور  اس کے ذریعے جو رقم خریداری یا کسی اور مالی لین دین کیلیے نکالی جاتی ہے وہ بینک اکاؤنٹ سے نکل جاتی ہے۔

میڈیا رپورٹ کے مطابق پاکستانی بینک صارفین کو خبردار کیا جاتا ہے کہ وہ ڈیبٹ کارڈ کے محفوظ استعمال کیلیے حفاظتی اقدامات پر عمل کریں کیونکہ حال ہی میں کچھ بینک صارفین مبینہ طور پر اپنے موبائل فون پر تھرڈ پارٹی ایپلیکیشنز استعمال کرنے کے بعد رقم سے ہاتھ دھو بیٹھے۔

نجی بینک نے غیر قانونی لین دین کے بارے میں صارفین کو آگاہ کرتے ہوئے اپنے بیان میں کہا کہ صارفین کے ڈیٹا اور ذاتی معلومات مکمل طور پر محفوظ ہیں۔

بینک نے کہا کہ اس کا ڈیبٹ کارڈ EMV ٹیک اور تھری ڈی معیارات کے مطابق ہے، متنازع ٹرانزیکشنز غیر محفوظ ای کامرس سرگرمیوں کی وجہ سے ہوئیں جن کو بین الاقوامی ادائیگی کے نظام کے چارج بیک میکانزم کے ذریعے حل کیا جا رہا ہے۔

یہ بھی پڑھیں : بشریٰ بی بی  کی 32 مقدمات میں عبوری ضمانت منظور

صارفین سے درخواست کی گئی کہ وہ آن لائن لین دین کرتے وقت درج ذیل احتیاطی تدابیر اختیار کریں :

صرف مصدقہ پلیٹ فارمز پر ہی ادائیگی کریں اور غیر بھروسہ مند سائٹس پر ڈیبٹ کارڈ استعمال کرنے سے گریز کریں

میل یا ایس ایم ایس کے ذریعے کارڈ کی تفصیلات یا OTPs پر نظر رکھیں یا کارڈ چوری یا گم ہو جانے کی صورت میں جلد از جلد متعلقہ بینک کو اطلاع دیں

صارفین کو یقین دلایا گیا کہ وہ اعتماد کے ساتھ اپنے کارڈز کو قابل اعتماد ویب سائٹس پر استعمال کر سکتے ہیں اور کیش لیس لین دین کی سہولت سے لطف اندوز ہوتے رہیں گے۔