پاکستان تحریک انصاف کی مذاکراتی کمیٹی نے بانی پارٹی عمران خان کا حکم ہوا میں اُڑا دیا۔
تفصیلات کے مطابق اڈیالہ جیل میں بانی و چیئرمین پی ٹی آئی عمران خان مذاکراتی کمیٹی کے اراکین اور رہنماؤں سے ملاقات کیلئے انتظار کرتے رہے مگر 2 علی امین گنڈا پور اور سلمان اکرم راجہ کے علاوہ کوئی اور نہیں پہنچا۔
نجی ٹی وی کے مطابق بانی تحریک انصاف سے اڈیالہ جیل میں ملاقات کے دن اور ہدایت کے باوجود مذاکراتی کمیٹی کے اراکین ملاقات کے لیے نہ پہنچے جبکہ عمران خان اُن کا بے صبری سے انتظار کرتے رہے ۔
پارٹی ذرائع کا کہنا ہے کہ بانی پی ٹی آئی کی ہدایت اورطلبی کے باوجود مذاکراتی کمیٹی کے 5 اراکین نے اڈیالہ جیل آنا گوارا نہیں کیا اور عمر ایوب بھی ان میں شامل تھے۔ عمران خان نے عمر ایوب، اسد قیصر، حامد رضا،علامہ راجہ ناصر عباس ، حامد خان کو ملاقات کے لئے بُلایا تھا ۔
وزیراعلیٰ علی امین گنڈا پور نے جی ایچ کیو حملہ کیس کی سماعت کے دوران اور بعد میں بانی پی ٹی آئی عمران خان سے ون آن ون ملاقات کی، جس میں سول نافرمانی تحریک سمیت سیاسی، معاشی، صوبہ کے معاملات اور پارٹی رہنماؤں پر کیسز بارے مشاورت ہوئی ۔
By 
