مسیحی ملازمین کو 20 دسمبر تک تنخواہیں اور پنشن ایڈوانس ادا کرنے کا حکم

پنجاب حکومت نے مسیحی برادری کو کرسمس کی تعطیلات کے پیش نظر 20 دسمبر تک ان کی تنخواہیں اور پنشن ایڈوانس ادا کرنے کا حکم دے دیا۔

محکمہ خزانہ پنجاب نے اس حوالے سے نوٹیفکیشن جاری کر دیا ہے۔ نوٹیفکیشن میں کہا گیا ہے کہ مسیحی برادری کے تمام ملازمین کو 20 دسمبر تک ان کی تنخواہیں اور پنشن فراہم کر دی جائے گی۔حکومت کے اس اقدام کا مقصد مسیحی برادری کو کرسمس کی خوشیوں میں مالی معاونت فراہم کرنا ہے۔

مزید پڑھیں: سرکاری ملازمین کی ریٹائرمنٹ کی عمر 55 سال کرنے کی کوئی تجویز زیرغور نہیں، وفاقی وزیرخزانہ

اس سے قبل وفاق اور سندھ حکومت کی جانب سے بھی مسیحی ملازمین کو تنخواہیں اور پنشن 20دسمبر تک ادا کرنے کا اعلان کیا گیا ہے۔