انسداد دہشت گردی عدالت نے جی ایچ کیو گیٹ حملہ کیس میں علی امین گنڈاپور سمیت 25 ملزمان کے ناقابل ضمانت وارنٹ گرفتاری جاری کر دیے ہیں۔
جی ایچ کیو گیٹ حملہ کیس میں علی امین گنڈا پور، میجر طاہر صادق، زین قریشی،کنول شوزب، عظیم اللہ خان، سید شبلی فراز، شہریار آفریدی، ذوہیب آفریدی،عمر تنویر بٹ اور دیگر کے ناقابل ضمانت وارنٹ گرفتاری جاری کئے گئے ہیں۔
وارنٹ گرفتاری انسداد دہشتگری عدالت کے جج امجد علی شاہ نے جاری کئے، عدالت نے سی پی او راولپنڈی کو ناقابل ضمانت وارنٹ گرفتاری کی تعمیل کرانے کا حکم دیا ہے۔
انسداد دہشت گردی عدالت نے ہدایت کرتے ہوئے کہا کہ وارنٹ گرفتاری کی تعمیل کے لئے اسپیشل ٹیم تشکیل دی جائے، سی پی او راولپنڈی آئندہ سماعت دس دسمبر پر خود حاضرہوکر وارنٹ گرفتاری کی تعمیلی رپورٹ پیش کریں۔
By 
