پاک آرمی کا دیوسائی، اسکردو میں کامیاب آپریشن، شدید برفباری کی وجہ سے پھنسے مسافروں کو بچا لیا۔
14 نومبر کو 15 کے قریب مسافر دو گاڑیوں میں گلتری سے بذریعہ دیوسائی سکردو جا رہے تھے کہ شدید برف باری کی وجہ سے مسافر دیوسائی میں پھنس گئے۔
جس کے بعد مسافروں سے زمینی رابطہ منقطع ہوگیا تھا،مسافروں کے اہل خانہ اور علاقے کے لوگوں نے پا ک آرمی سے مدد کی اپیل کی، پاک آر می نے اپیل پر فوراً ہوائی اور زمینی ریسکیو آپریشن شروع کیا۔
پا ک آرمی کے جوانوں پر مشتمل جوائنٹ ٹیم مسافروں کو ریسکیو کرنے کے لیے پیدل روانہ ہوئی، پاک آرمی کی زمینی ٹیم نے انتہائی سرد اور برف باری کے باوجود ریسکیو آپریشن جاری رکھا اور مسافروں کو کامیابی کے ساتھ ریسکیو کر لیا۔
پاک آرمی کی زمینی ٹیم انتہائی مشکلات کو پار کرتے ہوئے مسافروں تک پہنچنے میں کامیاب ہوئی،پاک فوج کے دو ہیلی کاپٹرز نے بھی ریسکیو آپریشن میں حصہ لیا، موسم کی خرابی اور شدید برف باری کے باعث ہوائی آپریشن میں مشکلات کا سامنا رہا۔
اہل علاقہ اور پھنسے ہوئے مسافروں نے پاک آرمی کا بروقت ریسکیو آپریشن سے مسافروں کو نکالنے پر شکریہ ادا کیا۔
By 
