2024 میں سب سے زیادہ فروخت ہونیوالے ٹاپ 10 موبائل فون کون سے ہیں؟

سنہ 2024 اپنے اختتام پر پہنچنے والا ہے ،  آخری سہ ماہی کے دوران آنیوالے  اعداد وشمار کے مطابق ایپل کے تین ماڈلز نے پہلی تین پوزیشنز سنبھال کر دنیا بھر میں سب سے زیادہ فروخت ہونے والے موبائل فون کا اعزاز حاصل کیا۔

میڈیا رپورٹ کے مطابق کاؤنٹر پوائنٹ ریسرچ نامی ویب سائٹ نے سب سے زیادہ فروخت ہونے والے موبائل فونز کی نئی فہرست جاری کی ہے۔

کاونٹر پوائنٹ ریسرچ کے مطابق سب سے زیادہ فروخت ہونے والے موبائل فونز میں آئی فون 15 ہے جسے عالمی طور پر موبائل فون صارفین کی 3.8 فیصد تعداد نے خریدا ہے۔

دوسرے نمبر پر آئی فون 15 پرو میکس اور تیسرے نمبر پر آئی فون 15 پرو ہے۔

 اس سے قبل گذشتہ برس آئی فون 14 پہلے نمبر پر جبکہ آئی فون 14 پرو میکس دوسرے جبکہ آئی فون 14 پرو تیسرے نمبر پر رہ چکا ہے۔

یہ بھی پڑھیں : والدین نے سدھو موسےوالا کے چھوٹے بھائی کی تصویر جاری کردی

جاری کی گئی فہرست کے مطابق چوتھے نمبر پر سام سنگ گلیکسی اے 15 فور جی ہے، حیرت انگیز طور پر اس کے بعد ساتویں نمبر تک سام سنگ کے ہی موبائل فونز ہیں۔

سام سنگ اے 15 فائیو جی پانچویں نمبر پر، سام سنگ گلیکسی اے 35 فائیو جی چھٹے جبکہ سام سنگ گلیکسی اے زیرو فائیو ساتویں نمبر پر ہے۔

اسی طرح سے سب سے زیادہ فروخت ہونے والے موبائل فونز کی فہرست میں آٹھویں نمبر پر آئی فون 14 ہے۔

شاؤمی ریڈمی 13 سی 4 جی بھی سب سے زیادہ فروخت ہونے والے موبائل فونز میں شامل ہے، شاؤمی ریڈمی 13 سی نویں نمبر پر ہے۔

اس فہرست کے 10ویں نمبر پر پھر سے سام سانگ کا موبائل فون ہے۔

سام سانگ گلیکسی ایس 24 سال 2024 میں سب سے زیادہ فروخت ہونے والے موبائل فونز کی فہرست میں 10ویں نمبر پر ہے۔

دلچسپ بات یہ ہے کہ آئی او ایس (آئی فون میں استعمال ہونے والا آپریٹنگ سسٹم) عالمی طور پر صرف 19 فیصد صارفین استعمال کرتے ہیں جبکہ 77 فیصد صارفین کی تعداد اینڈرائیڈ سسٹم استعمال کرتی ہے، تاہم ابھی تک کوئی بھی اینڈرائڈ موبائل فون کمپنی اس دوڑ میں ایپل کو شکست نہیں دے سکی۔