By پی ٹی آئی کے اسلام آباد میں( کل) 22اگست کو ہو نیوالے جلسے کی تیاریوں اور انتظامات کے حوالے سے وزیراعلیٰ خیبرپختونخوا کی صدارت میں اہم اجلاس منعقد ہوا ، کئی گھنٹے طویل اجلاس میں ممبر قومی و صوبائی اسمبلی کی شرکت ۔
تفصیلات کے مطابق ذرائع نے بتایا ہے کہ اجلاس میں تمام ڈویژن کے قائدین شریک ہوئے ، وزیر اعلیٰ کے پی کےنے ہر ریجن کے نمائندوں کے ساتھ علیحدہ علیحدہ ملاقات کی ، سردار علی امین گنڈا پور نے ہدایت کرتے ہوئے کہا کہ اسلام آباد میں منعقد ہونے والے جلسے میں ہر صورت جا ئیں گے ۔
ذرائع کے مطابق وزیراعلیٰ علی امین گنڈا پور نے ہدایت کی کہ ہر ممبر قومی و صوبائی اسمبلی اور دیگر رہنماء زیادہ سے زیادہ ورکرز کو نکا لیں ۔ انہوں نے کہا بھرپور مشینری ساتھ جلسہ گاہ کی طرف جائیں گے اور اس کے علاوہ کرین، ٹریکٹر، آنسو گیس سے بچاؤ کیلئے ماسک ساتھ لے کر جائیں گے ۔
یہ بھی پڑھیں:گورنر فیصل کریم کنڈی نے خیبر پختونخوا حکومت پر بڑا الزام عائد کردیا
اپنے ساتھ تیار سٹیج، ساؤنڈ سسٹم اور دیگر چیزیں بھی ہوں گی ۔ وزیراعلیٰ کا کہنا تھا کہ ہمارے ساتھ ہونیوالی ناانصافیوں کا جواب دینے کا وقت آ ن پہنچا ہے ، انہوں نےیہ بھی کہا کہ ہر نمائند ہ ورکرز کے لئے گاڑیوں کا بندوست کرے گا ، ا ن کا مزید کہنا تھا کہ آئی ایس ایف نوجوانوں کے لیے گاڑیوں و دیگر انتظامات پارٹی کرے گی، تمام ورکرز کو ہدایت کی کہ وہ صوابی کے مقام پر جمع ہو جائیں ۔
