By ٹوئنٹی ورلڈ کپ 2024 کے لئے قومی کرکٹ ٹیم کی نئی جرسی کی رونمائی کر دی گئی۔
پاکستان کرکٹ بورڈ (پی سی بی)کی جانب سے سوشل میڈیا پر ’’میٹرکس جرسی‘‘ کی رونمائی کی گئی ، جرسی کے ڈیزائن میں وہ جذبہ نمایاں ہے جو کرکٹ سے محبت کرنے والے ہر پاکستانی کے اندر گونجتا ہے۔ پاکستان کرکٹ بورڈنے نئی جرسی میں قومی کرکٹرز کی تصاویر بھی جاری کر دی ہیں ۔ میٹرکس جرسی کو پی سی بی کی آفیشل آن لائن اسٹور Shop.pcb.com.pk سے آرڈر پر بھی حاصل کیا جاسکتا ہے۔ یہ جرسی پہن کر شائقین قومی کرکٹ ٹیم کو سپورٹ کرسکتے ہیں جو آئی سی سی ٹی ٹوئنٹی ورلڈ کپ 2024 میں شاندار روایات دکھانے کیلئے تیا ر ہے۔
ٹی ٹوئنٹی ورلڈکپ ،تما م میچز میں بیسٹ کمبی نیشن کیساتھ جائینگے، بابر اعظم
قومی کرکٹ ٹیم کے کپتان بابر اعظم کا کہنا تھا کہصرف بھارت کیخلاف ہی نہیں تمام میچز میں بیسٹ کمبی نیشن کیساتھ جائیں گے۔ تفصیلات کے مطابق لاہور میں پریس کانفرنس کرتے ہوئے قومی کپتان نے کہا کہ ماضی میں جو ہوگیا سوہوگیا، پہلے ٹرافی نہیں جیت سکے تھے مگر اس بار پورا یقین ہے کہ ہم ونر ٹرافی لے کر وطن واپس آئیں گے۔ ان کا کہنا تھا آج کل کھلاڑ یوں کی آپس میں یہی باتیں چل رہی ہیں کہ ورلڈکپ 2024 کیسے جیتیں؟۔ انہوں نے کہاکہ عامر جمال کو تھوڑا وقت لگے گا، جتنا کھیلے گا اتنا ہی اس سیکھنے کا موقع ملے گا ۔ عامر جمال کی ٹی ٹوئنٹی کرکٹ میں پرفارمنس اچھی ہے۔ انہوں نے مزید کہا کہ فاسٹ بالر حارث ر ؤف پر قومی ٹیم میں واپسی کا پریشر ہے، لیکن اس نے جلدی ریکور کرلیا، حارث ر ؤف کی ٹی ٹوئنٹی میں پرفارمنس بہترین ہے۔ محمد حارث کے حوالے سے ان کا کہنا تھا کہ محمد حارث کا نمبر ٹاپ آرڈر کا ہے اور ٹاپ آرڈر میں بہت سے کھلاڑی موجود ہیں، محمد حارث کو پاکستان سپر لیگ (پی ایس ایل ) میں موقع ملا مگر وہ پرفارم نہ کرسکا۔
انہوں نے کہا کہ پاکستان کرکٹ بورڈ (پی سی بی )کے چیئرمین محسن نقوی ہمیں اعتماد دے رہے ہیں، وہ آکر ہم سے بات کر رہے ہیں۔ انہوں نے کہا کہ ہماری کوچ گیری کرسٹن سے بات چیت چل رہی ہے، ان کا بہت تجربہ ہے، ان کو پتہ ہے کہ ہمار ی لائن اپ کیا ہے، گیری کرسٹن کا اسائنمنٹ جیسے ہی ختم ہوگا وہ ہمارے ساتھ ہوں گے، ہم گیری کرسٹن کو تمام تر اپڈیٹس دے رہے ہیں، جتنی جلدی وہ ہمارے ساتھ آئیں گے اتنا ہی ہمارے لئے بہتر ہوگا۔ کپتان قومی کرکٹ ٹیم بابر اعظم کا کہنا تھا کہ ہمارا کوئی انفرادی گول نہیں ہے، ہم بحیثیت ٹیم کھیلیں گے اور متحد ہوکر نتائج دیں گےاور پاکستان کے لئے کھیلیں گے ، یہ کسی ایک کا کھیل نہیں ہے۔ جو ٹیم کیلئےبہترین ہوگا ہم اس کے ساتھ جائیں گے۔
قومی کپتان نے ایک سوال کے جواب میں کہا کہ صرف ویرات کوہلی کے خلاف پلاننگ نہیں کررہے بلکہ ہم پوری بھارتی ٹیم کیخلاف منصوبہ بندی کریں گے۔ حسن علی کے حوالے سے سوال پر ان کا کہنا تھا کہ حسن علی کو بیک اپ کے طور پر شامل کیا گیا ہے، حسن علی کے بارے میں سلیکٹرز کلیئر کرچکے ہیں، اس کے پاس تجربہ ہے، سب سلیکٹرز نے ملکر یہ فیصلہ کیا ہے، سلیکشن میں کسی پلیئر کے ساتھ زیادتی نہیں ہوئی۔ انہوں نے کہاکہ ہم پر امید ہیں، امید ہمیشہ ہی ر کھنی چاہیے، ہم بڑا ایونٹ جیت کر قوم کو خوشیاں دینا چاہتے ہیں، کرکٹ گیم پاکستان کو جوڑتی ہے، سب ایک پیج پر ہوتے ہیں۔ ایک سوال کا جواب دیتے ہوئے ا ن کا کہنا تھاکہ ہر میچ میں 200 رنز نہیں ہوتے۔ کنڈیشن دیکھنا پڑتی ہیں، ہم وہاں جاکر دیکھیں گے یہ کیا صور تحال ہے۔ یاد رہے کہ ٹی ٹوئنٹی ورلڈ کپ یکم جون سے 29 جون تک امریکا کے 3 اور ویسٹ انڈیز کے 6 مقامات پر کھیلا جائے گا ۔
