By کراچی پولیس نے شہر میں دہشت گردی کا بڑا منصوبہ ناکام بنا دیا ۔ بھارتی خفیہ ایجنسی’ ’را‘ ‘ کے 2 انتہائی خطرناک دہشت گرد وں کو پکڑ لیا۔
تفصیلات کے مطابق ایس ایس پی کورنگی حسن سردار نے کہا ہے کہ کورنگی صنعتی ایریا پولیس اور حساس اداروں نے تکنیکی بنیادوں پر مشترکہ ٹارگٹڈ اپریشن کرتے ہوئے دہشت گردی اور ٹارگٹ کلنگ میں ملوث تربیت یافتہ دو انتہائی ہائی پروفائل بھارتی خفیہ ایجنسی’ ’را‘ ‘ کے دہشت گردوں کو گرفتار کیا۔ پولیس کے مطابق گرفتار ملزمان سے2 ہینڈ گرنیڈ، ایک 9 ایم ایم پستول اور گولیاں برآمد کی گئیں ، گرفتار ہونے والے دہشت گردوں کی شناخت خاور حسین ولد عبدالغنی اور جابر ولد مشتاق کے ناموں سے ہوئی۔
مزید پڑھیں:سپریم کورٹ نے سنی اتحاد کونسل کی مخصوص نشستیں دیگر سیاسی جماعتوں کو دینے کا فیصلہ معطل دیا
ابتدائی تفتیش کے دوران گرفتار ملزمان سے اہم انکشافات سامنے آئے ہیں، ملزمان بیرون ملک سے ملنے والے ٹارگٹ کی ریکی کرتے اور تمام تفصیلات و تصاویر بیرون ملک بھیجتے تھے۔ ایس ایس پی کورنگی حسن سردار نے مزیدبتایا کہ ملزمان سے مختلف غیر ملکی بینک اکاؤنٹس کے ذریعے لاکھوں روپے بھی موصول ہوچکے ہیں، ملزمان سے تفتیش جاری ہے جس میں مزید انکشافات سامنے آنے کے امکانات ہیں ۔
