پرویز الہٰی کی رہائشگاہ کو سب جیل قرار دے دیا گیا

اسلام آباد ہائیکورٹ نے رہنما تحریک انصاف پرویز الہٰی کے گھر کو سب جیل قرار دیتے ہوئے 15 روز میں ہاؤس اریسٹ کرنے کا حکم دے دیا۔

اسلام آباد ہائیکورٹ کے جسٹس ارباب محمد طاہر نے چوہدری پرویز الہٰی کی اہلیہ قیصرہ الہیٰ کی درخواست پر محفوظ فیصلہ سناتے ہوئے ان کی رہائش گاہ کو سب جیل قرار دے دیااور انہیں 15 روز کے اندر ہائوس اریسٹ کرنے کا حکم جاری کر دیا ۔ہائی کورٹ کے جج نے متعلقہ حکام کو حکم دیاکہ پرویز الہٰی کو 15 دن میں سب جیل منتقل کرنے کا پروسیجر مکمل کریں اور پرویز الہیٰ کو ان کی مرضی کے مطابق طبی سہولتیں فراہم کریں ، ان کی عمر 78 سال ہے، علاج سے متعلق معاملہ بھی دیکھ لیں۔

یہ بھی پڑھیں: سعودی ولی عہد محمد بن سلمان کا آئندہ ہفتے پاکستان کا دورہ متوقع

خیال رہے کہ اسلام آباد ہائیکورٹ نے پی ٹی آئی رہنما پرویز الہٰی کی اہلیہ قیصرہ الہیٰ کی اپنے شوہر کو اڈیالہ سے لاہور منتقلی اور ہاؤس اریسٹ کی درخواستوں پر گزشتہ روز جمعرات کو فیصلہ محفوظ کر لیا تھا جسے آج عدالت نے سنایا ہے۔