پاکستان کو چوتھے ٹی ٹونٹی میچ میں نیوزی لینڈ سے شکست ہوگئی

پاکستان کو نیوزی لینڈ کیخلاف سیریز کے چوتھے ٹی ٹونٹی میچ میں شکست ہوگئی۔

پاکستان بمقابلہ نیوزی لینڈ چوتھا ٹی ٹونٹی میچ لاہور میں کھیلا گیا، پاکستان نے ٹاس جیت کر نیوزی لینڈ کو پہلے بیٹنگ کی دعوت دی تھی۔ کیویز ٹیم نے مقررہ 20اوورز میں پاکستان کو 179رنز کا آسان ہدف دیا تاہم پاکستانی ٹیم مقررہ اوورز میں یہ ہدف حاصل کرنے میں ناکام رہی۔ پاکستان کو شکست دے کر نیوزی لینڈ نے سیریز میں2-1سے برتری حاصل کرلی۔

مزید پڑھیں: سلمان بٹ نے ریٹائرڈ کھلاڑیوں کو موجودہ ٹیم کے کھلاڑیوں سے بہتر قرار دیدیا

نیوزی لینڈ نے اننگز کا مثبت انداز میں آغاز کیا اور جارحانہ بیٹنگ کرتے ہوئے 5 اوورز میں 56 رنز بنائے لیکن اسی اسکور پر زمان خان نے 15 گیندوں پر 28 رنز بنانے والے تام بلنڈل کو چلتاکردیا۔دوسرے اینڈ سے ٹم رابنسن نے بہترین کھیل پیش کیا اور جارحانہ بلے بازی کا مظاہرہ کرتے ہوئے صرف 35 گیندوں پر نصف سنچری مکمل کی۔نیوزی لینڈ نے 10 اوورز میں 93 رنز بنا لیے تھے لیکن 11ویں اوور میں عباس آفریدی نے رابنسن کی دو چھکوں اور 4 چوکوں سے سجی 51 رنز کی اننگز کا خاتمہ کردیا۔اسکور 128 تک پہنچا تو افتخار احمد نے ٹیم کو اہم کامیابی دلاتے ہوئے مارک چیپمین کو پویلین لوٹا دیا جبکہ ڈین فاکس کرافٹ بھی 34 رنز بنانے کے بعد اسامہ میر کو وکٹ دے بیٹھے۔مائیکل بریسویل اور جیمز نیشام نے اسکور کو 169 تک پہنچایا لیکن عباس آفریدی نے 27 رنز بنانے والے کیوی کپتان بریسویل کے بعد اگلی ہی گیند پر جوش کلارکسن کا کام بھی تمام کردیا۔اننگز کی آخری گیند پر عامر نے اش سودھی کی اننگز کا خاتمہ کردیا اور اس طرح نیوزی لینڈ نے 20 اوورز میں 7 وکٹوں کے نقصان پر 178 رنز بنائے۔نیوزی لینڈ کیخلاف بیٹنگ کرتے ہوئے فخرزمان کے علاوہ کوئی بھی پاکستانی بلے باز کریز پر ٹک نہ سکااور اوپر نیچے وکٹیں گرتی گئیں۔فخرزمان نے 45گیندوں پر 61رنز کی اننگز کھیلی اورنمایاں رہے جبکہ افتخار احمد 20گیندوں پر 23رنز کی سست اننگرز کھیل کر دوسرے اور آخر میں عماد وسیم نے 11گیندوں پر 22رنز کی اننگز کھیلی۔

مزید پڑھیں: قومی کرکٹ ٹیم کے نائب کپتان کا نام فائنل

واضح رہے پاک نیوزی ٹی20 سیریز 1-1 سے برابر ہے جبکہ سیریز کا پہلا میچ بارش کی نذر ہوگیا تھا جبکہ دوسرے میچ میں پاکستان نے نیوزی لینڈ کو 7 وکٹوں سے زیر کیا اور تیسرے میچ میں مہمان ٹیم نے بھی اسی مارجن سے کامیابی سمیٹی۔دونوں ٹیموں کے درمیان سیریز کا پانچواں اور آخری میچ بھی لاہور میں 27 اپریل کو شیڈول ہے۔