معروف امریکی کمپنی ٹیسلا نے اپنی گاڑیوں کی قیمتوں میں بڑی کمی کر دی۔
تفصیلات کے مطابق ایلون مسک کی الیکٹرک گاڑیاں بنانے والی کمپنی ٹیسلا نے اپنی گاڑیاں سستی کر دیں۔ وائی، ایکس اور ایس میں 2ہزار ڈالر (تقریباً ساڑھے 5لاکھ روپے) کی کمی کر دی گئی۔ کمپنی کی طرف سے یہ اقدام گاڑیوں کی فروخت میں اضافے کیلئے اٹھایا۔ قیمتوں میں کمی کے بعد ٹیسلا وائی کے بنیادی ماڈل کی قیمت 42ہزار 990ڈالر (تقریباً 1کروڑ 19لاکھ 56ہزار روپے) ، لانگ رینج ماڈل کی قیمت 47ہزار 990ڈالر(تقریباً 1کروڑ 33لاکھ 47ہزار روپے) اور پرفارمنس ماڈل کی قیمت 51ہزار 490ڈالر(تقریباً 1کروڑ 43لاکھ 20ہزار روپے) ہو گئی ہے۔ ٹیسلا ایس کے بنیادی ماڈل کی قیمت 72ہزار 990ڈالر(تقریباً2کروڑ 3لاکھ روپے) اور ہائی پرفارمنس ماڈل ایس کی قیمت 87ہزار 990ڈالر (تقریباً 2کروڑ44لاکھ 72ہزار روپے) جبکہ ٹیسلا ایکس کے بنیادی ماڈل کی قیمت 77ہزار990ڈالر (تقریباً 2کروڑ 16لاکھ 91ہزار روپے) اور پلیڈ ورڑن کی قیمت92ہزار 990ڈالر ( تقریباً2کروڑ 58لاکھ 62ہزار روپے) ہو گئی ہے۔ رپورٹ کے مطابق ٹیسلا گاڑیوں کی قیمتوں میں یہ کمی 30اپریل سے لاگو ہو گی۔
واضح رہے کہ ٹیسلا نے 10فیصد ملازمین کو برطرف کرنے کااعلان کر رکھا ہے۔بتایا جارہا ہے کہ کمپنی کی ترقی کے لیے لاگت میں کمی اور پیداواری صلاحیت میں اضافہ کرنا ناگزیر ہے اور اس کے لیے ہر پہلو کو دیکھنے کے بعد 10 فیصد ملازمین کو فارغ کرنے کا مشکل فیصلہ کیا ہے۔ اس کے بعد ٹیسلا کے سینئر نائب صدر سمیت دو بڑے عہدیداروں نے استعفی دیدیا تھا۔یاد رہے کہ ٹیسلا آئندہ برس کی دوسری ششماہی میں روبوٹیکسی لانچ کرنے والی ہے جس کی قیمت 25 ہزار ڈالرز تک ہوگی۔