By پاکستان اور نیوزی لینڈ کی کرکٹ ٹیموں کے مابین سیریز کا دوسرا میچ کل ہفتہ کو راولپنڈی کرکٹ اسٹیڈیم میں کھیلا جائے گا۔ میچ شام ساڑھے سات بجے شروع ہو گا ۔ خیال رہے کہ سیریز کا پہلا میچ بارش کے باعث بغیر کسی نتیجے کے ختم ہو گیا تھا ۔
پاکستانی ٹیم کا اسکواڈ:
پاکستانی ٹیم مایہ ناز بیٹر بابر اعظم کی زیر قیادت میدان میں اترے گی ، سکواڈ میں شامل دیگر کھلاڑیوں میں ابرار احمد ، اعظم خان ، فخر زمان ، افتخار احمد ، عماد وسیم ، محمد عباس آفریدی ، محمد رضوان ، محمد عامر ، محمد عرفان خان ، نسیم شاہ ، صائم ایوب ، شاداب خان ، شاہین شاہ آفریدی ، اسامہ میر ، عثمان خان اور زمان خان شامل ہیں۔
نیوزی لینڈ ٹیم کا اسکواڈ:
نیوزی لینڈ کی ٹیم کو مائیکل بریسویل لیڈ کریں گے ، دیگر کھلاڑیوں میں ٹام بلنڈل ، ٹم سیفرٹ ، فن ایلن ، مارک چیپمین ، جوش کلارکسن ، ڈین فوکس کرافٹ ، کول میک کونچی ، جیمز نیشم ، جیکب ڈفی ، بین لسٹر ، ولیم او روک ، بین سیئرز ، ایش سودھی ، ایڈم ملن ، زیکری فوکس اور ٹم روبنسن شامل ہیں ۔
ٹی 20 انٹرنیشنل میچوں میں کا کس پلڑا بھاری ؟:
پاکستان کا نیوزی لینڈ کے خلاف ٹی 20 انٹرنیشنل میچوں میں پلڑا بھاری ہے ، اعداد و شمار کے مطابق دونوں ٹیمیں اب تک 40 میچ کھیل چکی ہیں، 21 میں پاکستان فاتح رہا جبکہ 17 میچ نیوزی لینڈ نے جیتے، دو میچ بے نتیجہ رہے ۔ دونوں ٹیموں کے درمیان سیریز کا تیسرا میچ 21 اپریل کو راولپنڈی کرکٹ اسٹیڈیم میں کھیلا جائے گا ۔ واضح رہے کہ سیریز کے آخری دو میچ بالترتیب 25 اور 27 اپریل کو قذافی سٹیڈیم لاہور میں کھیلے جائیں گے ۔
