By عید الفطر کا چاند دیکھنے کے لیے ملک بھر کی رویت ہلال کمیٹیوں کا اجلاس جاری ہے۔ چاند دکھائی دینے کی صورت میں عید الفطر کل بروز بدھ منائی جائیگی اور اگر چاند نہ دکھائی دیا تو عید الفطر بروز جمعرات کو ہوگی۔
جبکہ محکمہ موسمیات کے مطابق پاکستان میں شوال کا چاند آج نظر آنے کے قوی امکانات ہیں، نئے چاند کی پیدائش کل رات 11 بج کر 21 منٹ پر ہو چکی، آج چاند کی عمر 19 سے 20 گھنٹے ہوجائے گی، غروبِ آفتاب کے بعد چاند نظر آنے کا دورانیہ 50 منٹ سے زائد ہو گا۔ملک کے جنوبی علاقوں میں آج مطلع صاف رہنے کا امکان ہے، ملک کے شمالی علاقوں میں مطلع ابر آلود ہو سکتا ہے۔محکمہ موسمیات کے حکام کے مطابق آج خیبرپختونخوا میں مطلع مکمل صاف ہوگا اور چاند نظر آنے کے امکانات ہیں۔
محکمہ موسمیات نے ایک ہفتہ پہلے ہی کافی وثوق سے پیش گوئی کی تھی کہ منگل 9 اپریل کو عید الفطر کا چاند دکھائی دے گا۔محکمہ موسمیات کے حکام کے مطابق منگل کو چاند غروب آفتاب کے بعد آڈھے گھنٹے سے زائد دیر تک افق رہے گا۔حکام کے مطابق انسانی آنکھ سے دیکھنے کے لیے چاند ہی عمر پہلے ہی پوری ہو چکی ہے۔
گزشتہ روزسعودی عرب میں شوال کا چاند دیکھنے کیلئے مختلف شہروں کی آبزرویٹریوں میں اجلاس ہوئے تاہم مملکت میں کہیں سے بھی چاند دیکھنے کی شہادت نہیں ملی تھی۔چاند نظر نہ آنے کے بعدسعودی عرب سمیت دنیا کے کئی ممالک میں 10 اپریل بروز بدھ کو عید الفطر منانے کا اعلان کیا گیا۔سعودی عرب میں رمضان المبارک اس مرتبہ 30 روزوں کا بن رہا ہے۔ اگر پاکستان میں بھی رمضان المبارک 30 روزوں کا ہوا تو یہاں عید جمعرات کو ہوگی۔ماہر فلکیات نے کہا ہے کہ منگل 30 رمضان کو عید کا ہلال 54 منٹ تک افق پر رہے گا۔
