چئیرمین پاکستان تحریک انصاف بیرسٹر گوہر نے کہا ہے کہ بعض پی ٹی آئی رہنما الزام تراشیاں بند کریں، ثبوت ہیں تو میرے پاس لے کر آئیں۔
بیرسٹر گوہر نے کہا کہ پی ٹی آئی رہنماایک دوسرے پر الزام تراشیاں بند کریں اور اگر کسی کے پاس ثبوت ہیں تو میرے پاس لے کر آئیں، ایکشن لیا جائیگا۔ انہوں نے کہا کہ پی ٹی آئی سیاسی جماعت ہے۔ سیاسی جدوجہد پر یقین رکھتے ہیں۔ پی ٹی آئی ہر قسم کے تشدد کی مذمت کرتی ہے۔ ہم نے کبھی کسی کو تشدد پر نہیں اکسایا۔ تمام مسائل کا حل خوش اسلوبی سے ڈھونڈنا چاہتے ہیں۔
انہوں نے کہا کہ حکومت کیخلاف ہماری ایک لمبی چارج شیٹ ہے، حکومت نے ہمارے مذاکراتی عمل کو کمزور سمجھا، سیاسی مسائل کا حل اس طرح ڈھونڈیں تو موقع ضائع ہوجاتا ہے۔ کچھ لوگوں کی کوشش ہے کہ خلیج پیدا ہو، ہم نے پارلیمان چلانے کیلئے کوششیں کیں۔
انہوں نے مزید کہا کہ اسپیکر قومی اسمبلی کا رویہ امتیازی ہے، ہمیں بولنے کا موقع نہیں دیا جاتا، تحریک انصاف باقی اپوزیشن جماعتوں کیساتھ ملکر جدوجہد جاری رکھے گی۔ 18 فروری کو گرفتار کارکنان کی ضمانتیں منظور ہوجائیں گی۔
By 
