چیمپئنز ٹرافی:پاک بھارت ٹاکرے سے متعلق دونوں ملکوں کے سابق کرکٹرز کی پیشگوئیاں

چیمپئنز ٹرافی 2025 میں پاکستان اور سابق بھارتی لیجنڈز کی پیشگوئیاں سامنے آگئیں کہ کون ہوگا پاک بھارت ٹاکرے کا ہیرو؟۔

پاک بھارت میچ میں سب سے زیادہ رنز کون بنائے گا؟ ۔ پاکستانی لیجنڈز کی نظر میں بابر اعظم جبکہ بھارتی ٹیم میں شبمن گل اور روہت شرما سٹار ہونگے۔ وکٹوں کی دوڑ میں شاہد خان آفریدی نے اپنے داماد شاہین شاہ آفریدی کو فیورٹ قرار دے دیا۔

یہ بھی پڑھیں:چیمپئنز ٹرافی2025 :انٹرنیشنل کرکٹ کونسل نےبراڈکاسٹنگ تفصیلات کا اعلان کردیا

انضمام الحق نے حارث رؤف کو جبکہ یووراج سنگھ نے محمد شامی جبکہ سدھو نے اسپنرز کو اہم قرار دیدیا۔ میچ ونر کون ہوگا؟ کے سوال پر شاہد آفریدی اور انضمام الحق نے فخر زمان اورمحمدرضوان پر بھر پور اعتماد کا اظہار کیا۔

یہ بھی پڑھیں:راشد لطیف نے راشد خان کو وسیم اکرم سے ’’بڑا کرکٹر ‘‘قرار د ے دیا

بھارتی لیجنڈز نے ہاردک پانڈیا اور رشبھ پنت کو اہم قرار دیا۔شاہد آفریدی اور انضمام نے سعود شکیل کو پاکستان کا اہم نوجوان پلیئرقرار دیا۔یووراج سنگھ نے بڑا دعویٰ کرتے ہوئے گرین شرٹس کو چیمپئنز ٹرافی میں بھارت کے خلاف فیورٹ ٹیم کا ٹیگ دے دیا۔