راشد لطیف نے راشد خان کو وسیم اکرم سے ’’بڑا کرکٹر ‘‘قرار د ے دیا

قومی کرکٹ ٹیم کے سابق کپتان و وکٹ کیپر بیٹر راشد لطیف نے افغان اسپنر راشد خان کو سوئنگ کے سلطان وسیم اکرم سے بڑا کرکٹر قرار دیدیا۔

نجی ٹی وی میں گفتگو کے دوران سابق پاکستانی کپتان اور افغان ٹیم کے ہیڈکوچ راشد لطیف نے کہا کہ راشد خان کی وجہ سے افغانستان کی ٹیم کو صحیح معنوں میں شہرت ملی۔ ان کا دوران گفتگو ناظرین سے معذرت کرتے ہوئے کہنا تھا کہ مجھے لگتا ہے کہ افغان اسپنر راشد خان سوئنگ کے سلطان وسیم سے بڑے کرکٹر ہیں۔

یہ بھی پڑھیں:امام الحق نے فٹنس ٹیسٹ پاس کرلیا، سینٹرل کنٹریکٹ دیے جانے کا امکان

راشد لطیف نے افغان ٹیم کو مشورہ دیا کہ انہیں اب اپنی ٹیسٹ کرکٹ ٹیم کو بہتر کرنے کی ضرورت ہے اس کے لیے انہیں گرین شرٹس کے خلاف ٹیسٹ میچز کھیلنا چاہیں۔ دوسری طرف آئی سی سی چیمپئینز ٹرافی 2025 میں شرکٹ کے لئے افغا ن کرکٹ ٹیم پاکستان پہنچ گئی ہے اور ایونٹ میں ا پنا میچ جنوبی افر یقہ کیخلاف 21 فروری کو کھیلے گی۔